தமிழில், 'கனகவேல் காக்க' படத்தின் மூலம் அறிமுகமான கன்னட நடிகை ஹரிபிரியா அவரின் நீண்ட நாள் காதலரும். KGF பட நடிகருமான, வசிஷ்ட சிம்ஹாவை திருமணம் செய்து கொண்டுள்ளார்.
கடந்த 2007 ஆம் ஆண்டு துலுமொழியில் வெளியான படத்தின் மூலம் ஹீரோயினாக திரையுலகில் காலடி எடுத்து வைத்தவர் நடிகை ஹரிபிரியா.
இதை தொடர்ந்து, கன்னட மொழியில் கடந்த 2008 ஆண்டு இவர் நடித்த Manasugula Mathu Madhura திரைப்படம் ரசிகர்கள் மத்தியில் நல்ல வரவேற்பை பெற்று, கன்னட திரையுலகில் இவரை முன்னணி நடிகையாக மாற்றியது.
கன்னட மொழியை தாண்டி, தமிழ் மற்றும் தெலுங்கு திரையுலகிலும் கவனம் செலுத்த துவங்கிய ஹரிப்பிரியா, நடிகர் கரனுக்கு ஜோடியாக... கடந்த 2010 ஆம் ஆண்டு வெளியான 'கனகவேல் காக்க' படத்தின் மூலம் அறிமுகமானார்.
இதை தொடர்ந்து, முரண், நான் மிருகமாய் மாற போன்ற சில படங்களில் நடித்துள்ளார். மேலும் இவரின் கைவசம் தற்போது அரை டஜனுக்கும் அதிகமான கன்னட படங்கள் உள்ளன.
இதை தொடர்ந்து இவர்களின் திருமணம் பிரமாண்டமாக நடந்து முடிந்துளளது. இந்த திருமண விழாவில் கன்னட திரையுலக பிரபலங்கள் பலர் கலந்து கொண்டு ஹரிபிரியா - வசிஷ்டா சிம்ஹாவை வாழ்த்தியுள்ளனர்.
குறிப்பாக கன்னட நடிகர் தனுஞ்சயா, கன்னட சூப்பர் ஸ்டார் சிவராஜ் குமார் உள்ளிட்ட பல பிரபலங்கள் மற்றும் சில அரசியல் தலைவர்கள் கலந்து கொண்டனர்.
தற்போது ஹரிபிரியா - வசிஷ்டா சிம்ஹா ஆகியோரின் திருமண புகைப்படங்கள் சமூக வலைத்தளத்தில் வெளியாக ரசிகர்கள் தங்களின் வாழ்த்துக்களை இவர்களுக்கு தெரிவித்து வருகிறார்கள்.
சேனலை கிளிக் செய்து பின்தொடரவும்