Trisha : கோடிகளில் புரளும் த்ரிஷா; சென்னை வீடு முதல் லண்டன் பங்களா வரை... முழு சொத்து மதிப்பு இதோ!

Trisha Net Worth : தமிழ் திரையுலகில் முன்னணி நடிகையாக வலம் வரும் த்ரிஷா-வுக்கு் சென்னை, ஹைதராபாத், லண்டனில் சொத்துக்கள் உள்ளன. இதுதவிர அவரிடம் ஏராளமான சொகுசு கார்களும் உள்ளன.

சவுத் குயின் த்ரிஷா

த்ரிஷா, தமிழ் மற்றும் தெலுங்கு சினிமாவில் தனக்கென ஒரு பெரிய இடத்தைப் பிடித்துள்ளார். 'கில்லி', 'சாமி', 'விண்ணைத்தாண்டி வருவாயா', '96', 'பொன்னியின் செல்வன்' போன்ற பல ஹிட் தமிழ் படங்களில் நடித்துள்ளார். அதேபோல, தெலுங்கு, மலையாளம், இந்தி என பல்வேறு மொழி படங்களிலும் நடித்துள்ளார். சினிமா வருமானம் மட்டுமின்றி, பிராண்ட் விளம்பரங்கள், ரியல் எஸ்டேட் முதலீடுகள் மூலமாகவும் த்ரிஷாவுக்கு கோடிகளில் வருமானம் வருகிறது.

த்ரிஷா சம்பளம் எவ்வளவு?

'பொன்னியின் செல்வன்', 'லியோ', ‘கருப்பு’ படங்களின் வெற்றிக்குப் பிறகு த்ரிஷாவின் சம்பளம் கணிசமாக உயர்ந்திருப்பதாகக் கூறப்படுகிறது. தற்போது ஒரு படத்துக்கு சுமார் ரூ.10 கோடியிலிருந்து ரூ.12 கோடி வரை சம்பளம் வாங்குகிறார். இதற்கு முன்பு ஒரு படத்துக்கு ரூ.5 முதல் ரூ.10 கோடி வரை வாங்கி வந்தார். இதுதவிர, பிராண்ட் விளம்பரங்கள் மூலம் ஆண்டுக்கு சுமார் ரூ.9 கோடி சம்பாதிக்கிறார்.

த்ரிஷா வீடு

த்ரிஷாவுக்கு சென்னையில் சுமார் ரூ.10 கோடி மதிப்புள்ள ஒரு பிரம்மாண்ட வீடு உள்ளது. ரஸ்ட் ஆரஞ்சு, பிரவுன், கோல்டன் நிறங்களில் வீட்டை அழகாக வடிவமைத்துள்ளனர். இதுதவிர, ஹைதராபாத்தில் சுமார் ரூ.6.5 கோடி மதிப்புள்ள ஒரு சொத்தும், லண்டனில் ஒரு வீடும் த்ரிஷாவுக்கு இருப்பதாகக் கூறப்படுகிறது. படப்பிடிப்புகளுக்காக ஹைதராபாத் செல்லும்போது அவர் இந்த வீட்டில் தங்குவார்.

த்ரிஷா கார் கலெக்‌ஷன்

த்ரிஷாவிடம் பல சொகுசு கார்கள் உள்ளன. அவரது கார் கலெக்‌ஷனின் மொத்த மதிப்பு சுமார் ரூ.3 முதல் ரூ.4 கோடி வரை இருக்கும். மெர்சிடிஸ் பென்ஸ் S-கிளாஸ், பிஎம்டபிள்யூ 5 சீரிஸ், ரேஞ்ச் ரோவர் எவோக் மற்றும் ஆடி போன்ற பல காஸ்ட்லி கார்களை வைத்திருக்கிறார். 20 ஆண்டுகால சினிமா பயணம், பிளாக்பஸ்டர் படங்கள், பிராண்ட் ஒப்பந்தங்கள், ரியல் எஸ்டேட் முதலீடுகள்... இவைதான் த்ரிஷாவின் ரூ.85 கோடி சொத்துக்குப் பின்னால் உள்ள ரகசியம்.