தன் வளர்ச்சியில் துணை நின்ற ஜாம்பவான்கள்.. நேரில் சென்று நலம் விசாரித்த ரஜினிகாந்த் - வைரல் பிக்ஸ்!

Super Star Rajinikanth : பிரபல நடிகர் ரஜினிகாந்த், AVM சரவணன் மற்றும் இயக்குனர் எஸ்.பி. முத்துராமன் ஆகியோரை சந்தித்து நலம் விசாரித்துள்ளார்.

murattu kalai

தமிழ் திரையுலகில் சூப்பர் ஸ்டார் ரஜினிகாந்தை அறிமுகம் செய்தது கே. பாலச்சந்தர் என்றாலும், அவருடைய வளர்ச்சியில் மிகப்பெரிய பங்கு வகித்த இரண்டு முக்கிய இயக்குனர்கள் என்றால் அது மகேந்திரனும், எஸ்.பி முத்துராமன் அவர்களும் தான். குணச்சித்திர நடிகராக இருந்த சூப்பர் ஸ்டார் ரஜினிகாந்தை மிகச் சிறந்த ஹீரோவாக தமிழ் திரையுலகில் களம் இறக்கியவர் மகேந்திரன் என்றால் அவரை ஆக்ஷன் ஹீரோவாக மாற்றி அழகு பார்த்தவர் எஸ்.பி முத்துராமன் என்றே கூறலாம்.

super star rajinikanth

அதேபோல பல தயாரிப்பு நிறுவனங்களுடன் இணைந்து சூப்பர் ஸ்டார் ரஜினிகாந்த் பயணித்திருந்தாலும், பிரபல ஏவிஎம் நிறுவனத்தோடு இணைந்து பல வெற்றி திரைப்படங்களை அவர் கொடுத்திருக்கிறார். கடந்த 1947ம் ஆண்டு வெளியான "நாம் இருவர்" என்ற திரைப்படத்தின் மூலம் தமிழ் திரையுலகில் களமிறங்கிய தயாரிப்பு நிறுவனம் தான் ஏவிஎம். அந்த நிறுவனத்துடன் போக்கிரி ராஜா, முரட்டுக்காளை தொடங்கி சிவாஜி வரை பல திரைப்படங்களில் இணைந்து பணியாற்றி இருக்கிறார் சூப்பர் ஸ்டார் ரஜினிகாந்த். தமிழ், தெலுங்கு, கன்னடம், மலையாளம் மற்றும் ஹிந்தி என்று ஐந்துக்கும் மேற்பட்ட மொழிகளில் 300க்கும் மேற்பட்ட திரைப்படங்களை தயாரித்து 100 ஆண்டுகளாக இந்திய சினிமாவில் பயணித்து வருகிறது ஏவிஎம் நிறுவனம்.

Muthuraman

தற்பொழுது சென்னையில் ஏவிஎம் நிறுவனத்தின் சார்பில் அவர்களுடைய தயாரிப்பில் வெளியான படங்களில் பயன்படுத்தப்பட்ட கார்கள் மற்றும் பிற பொருள்கள் காட்சிப்படுத்தப்பட்டிருக்கிறது. அண்மையில் பிரபல நடிகர் ரஜினிகாந்த் இந்த அருங்காட்சியத்திற்கு சென்று ஏ.வி.எம் நிறுவனத்தோடு தான் பணியாற்றிய திரைப்படங்களில் பயன்படுத்தப்பட்ட பைக் மற்றும் கார்களை பார்த்து மிகவும் மகிழ்ச்சி அடைந்தார். அதேபோல அண்மையில் பிரபல நடிகை மீனாவும் இந்த அருங்காட்சியகத்திற்கு சென்ற பொழுது "எஜமான்" படத்தில் மீனாவை சுமந்து செல்லும் "பல்லக்கு" அங்கு வைக்கப்பட்டிருந்தது. அதைக் கண்டு மகிழ்ச்சி அடைந்த நடிகை மீனா ஏவிஎம் சரவணனுக்கு தன்னுடைய நன்றிகளை தெரிவித்தார்.

AVM Saravanan

ஏடிஎம் சரவணன் என்றாலே நம்முடைய நினைவில் முதலில் வருவது அவருடைய வெள்ளையான உடையும், கைகட்டி அடக்கமாக நிற்கும் அவருடைய சுபாவம் தான். 1940 ஆம் ஆண்டு பிறந்த அவருக்கு இப்போது வயது 84. கடந்த சில மாதமாக உடல் நலம் குன்றி இருந்த அவர், தற்பொழுது நல்ல முறையில் உடல்நலம் தேரி உள்ளதால் அவரை நேரில் சந்தித்து அவருடைய நலம் குறித்து விசாரித்து இருக்கிறார் சூப்பர் ஸ்டார் ரஜினிகாந்த். இந்த சந்திப்பின்போது பிரபல இயக்குனர் எஸ்.பி முத்துராமன் அவர்களும் உடன் இருந்தார். சூப்பர் ஸ்டார் ரஜினிகாந்த் வைத்து பல வெற்றி திரைப்படங்களை கொடுத்த எஸ்.பி முத்துராமனுக்கு வயது 89 என்பது குறிப்பிடத்தக்கது.