மிகப்பெரிய நட்சத்திர பட்டாளமே நடிச்சும் வேலைக்கு ஆகல..! முதல் நாள் வசூலில் மரண அடி வாங்கிய காஃபி வித் காதல்

சுந்தர் சி இயக்கத்தில் ஜெய், ஜீவா, ஸ்ரீகாந்த், அம்ரிதா ஐயர், மாளவிகா ஷர்மா நடிப்பில் வெளியாகி இருக்கும் காஃபி வித் காதல் திரைப்படத்தின் முதல் நாள் வசூல் நிலவரம் வெளியாகி உள்ளது.

தமிழ் சினிமாவில் கடந்த சில மாதங்களாக பெரிய பட்ஜெட் படங்கள் தொடர்ந்து ரிலீஸ் ஆனதால், சிறு பட்ஜெட் படங்களின் வெளியீடு என்பது குறைந்த அளவில் தான் இருந்தது. இந்த மாதம் முழுக்க பெரும்பாலும் சிறு பட்ஜெட் படங்களே திரைக்கு வர உள்ளன. அதன்படி நவம்பர் முதல் வாரத்தில் சுந்தர் சி இயக்கிய காஃபி வித் காதல், பிரதீப் ரங்கநாதனின் லவ் டுடே மற்றும் அசோக் செல்வன் நடித்துள்ள நித்தம் ஒரு வானம் ஆகிய படங்கள் ரிலீசாகி உள்ளன.

நேற்று இந்த மூன்று திரைப்படங்களும் ரிலீசாகின. இதில் பிரதீப் ரங்கநாதன் இயக்கி நடித்துள்ள லவ் டுடே மற்றும் சுந்தர் சி-யில் காஃபி வித் காதல் ஆகிய இரண்டு படங்களுக்கு தான் அதிகளவில் தியேட்டர்கள் ஒதுக்கப்பட்டு உள்ளன. ஏனெனில் இந்த இரண்டு படங்களையும் தமிழ்நாட்டில் வெளியிட்டது உதயநிதியின் ரெட் ஜெயண்ட் மூவீஸ் நிறுவனம்.

இதையும் படியுங்கள்... ‘காஃபி வித் காதல்’ மூலம் மீண்டும் ஃபார்முக்கு வந்தாரா சுந்தர் சி? - முழு விமர்சனம் இதோ

குறைந்த அளவிலான தியேட்டர்களில் ரிலீசானாலும் நல்ல வரவேற்பை பெற்று வருகிறது அசோக் செல்வனின் நித்தம் ஒரு வானம். மறுபுறம் லவ் டுடே படத்துக்கு வேறலெவலில் வரவேற்பு கிடைத்து வருகிறது. ஆனால் சுந்தர் சி-யின் காஃபி வித் காதல் திரைப்படம் மட்டும் கலவையான விமர்சனங்களைப் பெற்று உள்ளது.

இதன்காரணமாக காஃபி வித் காதல் படத்தின் முதல் நாள் வசூலும் மிகவும் குறைவாகவே உள்ளது. மிகப்பெரிய நட்சத்திர பட்டாளமே நடித்திருந்தும் இப்படம் முதல் நாளில் ஒரு கோடி ரூபாய் மட்டுமே வசூலித்துள்ளதாக தகவல்கள் தெரிவிக்கின்றன. இன்றும், நாளையும் விடுமுறை நாட்கள் என்பதால் இப்படத்தின் வசூல் மேலும் அதிகரிக்க வாய்ப்பு உள்ளதாக எதிர்பார்க்கப்படுகிறது.

இதையும் படியுங்கள்... முதல் படத்திலேயே முன்னணி ஹீரோக்களுக்கு இணையான கலெக்‌ஷன்... வியக்க வைக்கும் லவ் டுடே படத்தின் முதல் நாள் வசூல்