தீபாவளி பண்டிகையை முன்னிட்டு சிவகார்த்திகேயன் நடித்த பிரின்ஸ் படமும், கார்த்தியின் சர்தார் திரைப்படமும் திரையரங்குகளில் ரிலீசானது. இதில் பிரின்ஸ் படத்தை தெலுங்கு இயக்குனர் அனுதீப் இயக்கி இருந்தார். அதேபோல் சர்தார் படத்தை இரும்புத்திரை படத்தின் இயக்குனரான பி.எஸ்.மித்ரன் இயக்கி இருந்தார்.
கார்த்தி மற்றும் சிவகார்த்திகேயன் இருவர் நடிப்பிலும் இதற்கு முன் வெளியான இரண்டு படங்கள் பிளாக்பஸ்டர் ஹிட் ஆனதால், இந்த படங்களும் வென்று ஹாட்ரிக் வெற்றியை பெறுமா என்கிற எதிர்பார்ப்பு ரசிகர்கள் மத்தியில் இருந்து வந்தது. இவ்வாறு மிகுந்த எதிர்பார்ப்புக்கு மத்தியில் 21-ந் தேதி இரண்டு படங்களும் தமிழ், தெலுங்கு ஆகிய இரு மொழிகளில் ரிலீசானது.