தியேட்டரில் கூட்டமில்லை... OTTக்கு பார்சல் செய்யப்படும் பராசக்தி - எப்போ ரிலீஸ் தெரியுமா?

சுதா கொங்கரா இயக்கத்தில் சிவகார்த்திகேயன் நடித்து பொங்கல் விருந்தாக திரைக்கு வந்த படம் பராசக்தி. இப்படம் விரைவில் ஓடிடியில் ரிலீஸ் ஆக உள்ளதாம். அதைப்பற்றி இந்த தொகுப்பில் பார்க்கலாம்.

Parasakthi Movie OTT Release

நடிகர் சிவகார்த்திகேயன் கெரியரில் மிக முக்கியமான படம் பராசக்தி. அவர் நடிப்பில் வெளியான 25-வது படம் இதுவாகும். இப்படத்தில் சிவகார்த்திகேயனுக்கு ஜோடியாக ஸ்ரீலீலா நடித்துள்ளார். இதில் சிவகார்த்திகேயனின் தம்பி கதாபாத்திரத்தில் அதர்வா நடித்திருந்தார். மேலும் ரவி மோகன் வில்லனாக நடித்திருக்கிறார். இப்படத்திற்கு ஜிவி பிரகாஷ் குமார் இசையமைத்து இருந்தார். இப்படம் கடந்த ஜனவரி 10-ந் தேதி திரையரங்குகளில் ரிலீஸ் ஆனது. இது இந்தி எதிர்ப்பு போராட்டத்தை மையமாக வைத்து உருவாகி இருந்ததால் இப்படத்திற்கு மிகப்பெரிய எதிர்பார்ப்பு இருந்தது.

100 கோடி வசூலித்த பராசக்தி

ஆனால் இப்படம் ரசிகர்களின் எதிர்பார்ப்பை பூர்த்தி செய்யவில்லை என்று தான் சொல்ல வேண்டும். சுதா கொங்கராவின் டச் மிஸ் ஆனதாக விமர்சகர்கள் கூறி இருந்தனர். இப்படம் விமர்சன ரீதியாக கலவையான விமர்சனங்களை பெற்றாலும் பாக்ஸ் ஆபிஸில் 100 கோடி வசூலித்துவிட்டதாக படக்குழுவினர் அறிவித்தனர். இப்படம் ரிலீஸ் ஆன முதல் வாரம் நன்கு வசூலித்து வந்த நிலையில், பொங்கலுக்கு தலைவர் தம்பி தலைமையில் ரிலீஸ் ஆனதில் இருந்து படத்தின் வசூல் சரிவை சந்திக்க தொடங்கியது. இதனால் இந்த வாரத்தோடு இப்படத்தின் ஓட்டம் முடிவுக்கு வர வாய்ப்பு உள்ளது.

பராசக்தியின் ஆட்டம் முடிந்தது

கடந்த வாரம் வரை கோடிகளில் வசூல் அள்ளி இருந்த பராசக்தி திரைப்படம், தற்போது லட்சங்களுக்கு சரிந்துள்ளது. இந்த வாரம் திரெளபதி 2, ஹாட் ஸ்பாட் 2 ஆகிய திரைப்படங்கள் திரைக்கு வர உள்ளதால், பராசக்தியின் ஓட்டம் இந்த வாரத்தோடு முடிவுக்கு வரும் என கூறப்படுகிறது. தியேட்டரில் கூட்டமின்றி காத்துவாங்கி வருவதால், பராசக்தி திரைப்படத்தை ஓடிடிக்கு பார்சல் பண்ண முடிவு செய்துள்ளனர். அதன்படி அப்படத்தின் ஓடிடி ரிலீஸ் தேதி குறித்த தகவல் இணையத்தில் கசிந்துள்ளது.

ஓடிடியில் எப்போ ரிலீஸ்?

வழக்கமாக தமிழ் படங்கள் தியேட்டரில் ரிலீஸ் ஆன 28 நாட்களில் ஓடிடிக்கு வந்துவிடும். ஆனால் பராசக்தி படத்தை 48 நாட்கள் கழித்தே ஓடிடியில் ரிலீஸ் செய்வோம் என கூறி இருந்தனர். அதன்படி பார்த்தால் பிப்ரவரி மாத இறுதியில் இப்படம் ஓடிடியில் ரிலீஸ் ஆக வாய்ப்பு உள்ளது. இப்படத்தின் ஓடிடி உரிமையை ஜீ5 ஓடிடி தளம் கைப்பற்றி இருந்தது. பிப்ரவரி மாத இறுதியில் பராசக்தி திரைப்படம் ஜீ5 ஓடிடிக்கு வரும் என எதிர்பார்க்கப்படுகிறது.