‘டாக்டர்’ல தவறவிட்டதை ‘டான்’ படத்தில் தட்டித்தூக்கிய சிவகார்த்திகேயன்...! அப்போ.. பேமிலி ஆடியன்ஸுக்கு மஜா தான்

DON censor Update : சிபி சக்ரவர்த்தி இயக்கத்தில் சிவகார்த்திகேயன், பிரியங்கா மோகன், எஸ்.ஜே.சூர்யா நடிப்பில் உருவாகி உள்ள டான் படத்தின் சென்சார் அப்டேட் வெளியாகி உள்ளது.

மிமிக்ரி ஆர்டிஸ்டாக காமெடி ஷோக்களில் கலக்கி வந்த சிவகார்த்திகேயன், பின்னர் தொகுப்பாளராக அறிமுகமாகி அது இது எது, ஜோடி நம்பர் 1, சூப்பர் சிங்கர் போன்ற நிகழ்ச்சிகளை தொகுத்து வழங்கியதன் மூலம் மக்கள் மத்தியில் மிகவும் பேமஸ் ஆனார். இதையடுத்து அவரை 3 படத்தின் மூலம் நகைச்சுவை நடிகராக அறிமுகப்படுத்தினார் தனுஷ்.

ஒரு படத்தில் மட்டும் நகைச்சுவை நடிகராக நடித்த சிவகார்த்திகேயன், அடுத்ததாக மெரினா படத்தின் மூலம் நாயகனாக களமிறங்கினார். இதையடுத்து மனம் கொத்தி பறவை, வருத்தப்படாத வாலிபர் சங்கம், எதிர்நீச்சல் என அடுத்தடுத்து பிளாக்பஸ்டர் ஹிட் படங்களில் நடித்ததன் மூலம் முன்னணி நடிகராக உயர்ந்தார் சிவகார்த்திகேயன்.

நடிகர் சிவகார்த்திகேயனின் அசுர வளர்ச்சிக்கு முக்கிய காரணம் பேமிலி ஆடியன்ஸ் தான். அவர் படங்களில் கவர்ச்சி நடனம், ஆபாச வசனங்கள் போன்றவை இருக்காது என்பதால் குழந்தைகள் முதல் பெரியவர்கள் வரை விரும்பி பார்த்து வந்தனர். இதனால் அவருக்கான ரசிகர் வட்டமும் பெரிதானது. அவர் நடிக்கும் படங்கள் பெரும்பாலும் சென்சாரில் யு சான்றிதழ் தான் பெற்று வருகின்றன.

ஆனால் கடைசியாக இவர் நடிப்பில் வெளியான டாக்டர் திரைப்படத்தில் அதிக அளவில் சண்டைக்காட்சிகள் இருந்ததன் காரணமாக யு/ஏ சான்றிதழ் கொடுக்கப்பட்டது. டாக்டரில் யு சான்றிதழ் மிஸ் ஆன நிலையில், தற்போது சிவகார்த்திகேயன் நடிப்பில் உருவாகி உள்ள டான் படத்துக்கு சென்சாரில் யு சான்றிதழ் கிடைத்துள்ளதால் படக்குழு மிகுந்த உற்சாகம் அடைந்துள்ளனர். இதன்மூலம் இப்படம் பேமிலி ஆடியன்ஸ் கொண்டாடும் வகையில் இருக்கும் என்பது உறுதியாகி உள்ளது.

இதையும் படியுங்கள்.... தனுஷின் சப்போர்ட் உடன் சிவகார்த்திகேயனை சீண்டும் பிரபல நடிகர் - பரபரப்பாகும் கோலிவுட்