தென்னிந்திய திரையுலகில் லேடி சூப்பர்ஸ்டாராக வலம் வரும் நடிகை நயன்தாரா, ஐட்டம் டான்ஸ் ஆடிய படங்களைப் பற்றி இந்த தொகுப்பில் பார்க்கலாம்.
மலையாள நடிகையான நயன்தாரா புகழின் உச்சிக்கு கொண்டு சென்றது தமிழ் சினிமா தான். தமிழ் திரையுலகில் ஏராளமான ஹிட் படங்களில் நடித்துள்ள நயன்தாரா, தெலுங்கு, மலையாளம் போன்ற தென்னிந்திய மொழிகளிலும் அவ்வப்போது நடித்து வருகிறார். இதுவரை தென்னிந்திய மொழி படங்களில் நடித்துவந்த நயன்தாரா தற்போது ஷாருக்கானின் ஜவான் திரைப்படம் மூலம் பாலிவுட்டில் ஹீரோயினாக அறிமுகமாகி உள்ளார். இந்த நிலையில், அவர் ஐட்டம் டான்ஸ் ஆடிய படங்கள் பற்றி தற்போது பார்க்கலாம்.
நடிகை நயன்தாரா முதன்முதலில் ஐட்டம் டான்ஸ் ஆடியது சிவகாசி படத்தில் தான். பேரரசு இயக்கத்தில் விஜய் நாயகனாக நடித்த இப்படத்தில் கோடம்பாக்கம் ஏரியா என்கிற பாடலுக்கு நடிகர் விஜய் உடன் சேர்ந்து செம்ம குத்தாட்டம் போட்டிருப்பார் நயன். அப்பாடல் பட்டிதொட்டி எங்கும் பேமஸ் ஆனதற்கு நயனின் நடனமும் முக்கிய காரணம்.
இதையும் படியுங்கள்... மஞ்சள் வீரன் ஹீரோயின் அப்டேட்... முதல் படத்திலேயே டிடிஎப் வாசன் உடன் ரொமான்ஸ் பண்ணப்போகும் நடிகை இவரா?
ரஜினியுடன் சந்திரமுகி என்கிற படத்தில் ஜோடி சேர்ந்து நடித்துவிட்டு, அவரின் அடுத்த படமான சிவாஜி தி பாஸ் படத்தில் ஒரு பாடலுக்கு மட்டும் ஐட்டம் டான்ஸ் ஆடி அதிர்ச்சி கொடுத்தார் நயன். அதன்படி ஷங்கர் இயக்கிய அந்த பிரம்மாண்ட படத்தில் இடம்பெற்ற பல்லேலக்கா பாடலில் நயனின் கவர்ச்சி நடனம் பிளஸ் ஆக அமைந்தது.
மலையாளத்தில் கடந்த 2008-ம் ஆண்டு வெளியான திரைப்படம் டுவெண்டி 20. உதய் கிருஷ்ணா இயக்கியிருந்த இப்படத்தில் மோகன்லால், மம்முட்டி, சுரேஷ் கோபி, ஜெயராம், திலீப் என மிகப்பெரிய நட்சத்திர பட்டாளமே நடித்திருந்த இப்படத்தில் ஹே தில் தீவானா என்கிற பாடலுக்கு மட்டும் டான்ஸ் ஆடி இருந்தார் நடிகை நயன்தாரா.
நடிகை நயன்தாரா கடைசியாக ஐட்டம் டான்ஸ் ஆடிய திரைப்படம் என்றால் அது எதிர்நீச்சல். துரைசெந்தில் குமார் இயக்கிய இப்படத்தில் சிவகார்த்திகேயன் நாயகனாக நடித்திருந்தார். இதில் லோக்கல் பாய்ஸ் என்கிற குத்துப்பாடலில் தனுஷும், சிவகார்த்திகேயனும் செம்ம குத்தாட்டம் ஆடி இருப்பர். அப்பாடலில் இறுதியில் நடிகை நயன்தாரா வந்து செம்ம குத்து டான்ஸ் ஆடி இருப்பார். இப்பாடலும் வேறலெவல் ஹிட் அடித்தது.
இதையும் படியுங்கள்... இவர் தான் இலியானாவின் காதலரா? ஒருவழியா குழந்தை பிறக்கும் முன் கர்ப்பத்திற்கு காரணமானவர் முகத்தை காட்டிய நடிகை!
சேனலை கிளிக் செய்து பின்தொடரவும்