பம்பர் ஹிட் அடித்த வெந்து தணிந்தது காடு... நான்கே நாளில் சிம்பு படம் குவித்த மொத்த வசூல் இத்தனை கோடியா?

சிம்புவின் வெந்து தணிந்தது காடு திரைப்படம் விரைவில் இப்படம் ரூ.50 கோடி வசூலைக் கடந்து சாதனை படைக்கும் என ரசிகர்கள் எதிர்பார்த்து காத்திருக்கின்றனர்.

சிம்பு நடிப்பில் வெளியாகி அமோக வரவேற்பை பெற்று வரும் திரைப்படம் வெந்து தணிந்தது காடு. இப்படத்தில் நடிகர் சிம்பு, முத்து வீரன் என்கிற 20 வயது இளைஞனாக நடித்துள்ளார். வழக்கமாக காதல் படங்களை இயக்கி வந்த கவுதம் மேனன் இப்படம் மூலம் வித்தியாசமான கதைக்களத்தை கையில் எடுத்து அதில் வெற்றியும் கண்டுள்ளார்.

வேல்ஸ் பிலிம்ஸ் சார்பில் ஐசரி கணேஷ் தயாரித்துள்ள இப்படத்தில் நடிகர் சிம்புவுக்கு ஜோடியாக சித்தி இத்னானி நடித்துள்ளார். கிராமத்தில் இருந்து மும்பைக்கு வேலைக்கு செல்லும் சிம்பு அங்கு எப்படி டான் ஆனார் என்பதை இப்படத்தில் காட்சிப்படுத்தி இருந்தார் கவுதம் மேனன். இப்படத்தின் இரண்டாம் பாகமும் உருவாக உள்ளதாக நேற்று நடைபெற்ற சக்சஸ் மீட்டில் தயாரிப்பாளர் ஐசரி கணேஷ் அறிவித்தார்.

இதையும் படியுங்கள்... கண்ணாடி முன்னாடி கவர்ச்சியை பிரதிபலிக்கும் ஆண்ட்ரியா....ஹாட் பிசாசு என நெகிழ்ந்து போகும் ரசிகர்கள்

அதற்கான திரைக்கதை அமைக்கும் பணிகளை கவுதம் மேனனும், ஜெயமோகனும் தொடங்கிவிட்டதாக அவர் கூறினார். இந்நிலையில், வெந்து தணிந்தது காடு திரைப்படம் முதல் வார இறுதியில் பாக்ஸ் ஆபிஸில் எவ்வளவு வசூல் செய்துள்ளது என்கிற நிலவரம் வெளியாகி உள்ளது. அதன்படி முதல் நாளில் ரூ.10 கோடிக்கு மேல் வசூலித்த இப்படம் இரண்டாம் நாளில் ரூ.7 கோடி வசூல் செய்திருந்தது.

அதேபோல் மூன்றாம் நாளில் ரூ.8 கோடிக்கு மேல் வசூல் ஈட்டியிருந்த இப்படம் நான்காம் நாளான நேற்று ரூ.10 கோடிக்கு மேல் வசூலித்திருந்ததாக கூறப்படுகிறது. இதன்மூலம் நான்கு நாட்களில் ரூ.35 கோடிக்கு மேல் வசூலித்துள்ளது இப்படம். விரைவில் இப்படம் ரூ.50 கோடி வசூலைக் கடந்து சாதனை படைக்கும் என ரசிகர்கள் எதிர்பார்த்து காத்திருக்கின்றனர்.

இதையும் படியுங்கள்... முடிவுக்கு வரப்போகிறதா பாரதி கண்ணம்மா...? யாரும் எதிர்பாராத தருணம்..! வெளியான பரபரப்பு புரோமோ!