நடிகையும், இயக்குனருமான லட்சுமி ராமகிருஷ்ணன், தன்னுடைய மகளுக்கு உடல்நிலை சரியில்லாத நிலையிலும், வீட்டில் ஓணம் கொண்டாடியதாக மகளுடன் எடுத்து கொண்ட புகைப்படத்தை சமூக வலைத்தளத்தில் வெளியிட்டு தெரிவித்துள்ளார். இதை தொடர்ந்து ரசிகர்கள் தொடர்ந்து இவருக்கு தங்களின் ஆறுதல்களை தெரிவித்து வருகிறார்கள்.
ஒரு நடிகையாக தமிழ் சினிமாவில் அறிமுகமாகி, இயக்குனர், தொகுப்பாளர், தயாரிப்பாளர் என பன்முக திறமை கொண்ட கலைஞர்ராக வலம் வந்து கொண்டிருப்பவர் லட்சுமி ராமகிருஷ்ணன்.
இவருக்கு நடிகையாக ரசிகர்கள் மற்றும் தமிழ் மக்கள் மத்தியில் கிடைத்திடாத பிரபலத்தை பெற்று தந்தது, பிரபல தனியார் தொலைக்காட்சியில் இவர் தொகுத்து வழங்கி வந்த 'சொல்வதெல்லாம் உண்மை' நிகழ்ச்சி. பல குடும்பங்களில் நடக்கும் சண்டை, மற்றும் தகாத உறவு போன்ற பிரச்சனைகளுக்கு பஞ்சாயத்து செய்யும் தொகுப்பாளினியாக இருந்தார்.
மேலும் செய்திகள்: பாடலாசிரியர் கபிலனின் மகள் தூரிகை யார்..? என்ன செய்கிறார்... தற்கொலைக்கு என்ன காரணம்?
எனவே இவரை பலர் தொடர்ந்து சமூக வலைத்தளத்தில் ட்ரோல் செய்து வந்தனர். அருவி, த்ரிஷா இல்லனா நயன்தாரா, போன்ற படங்களில் நேரடியாகவே சில இயக்குனர்களும் இவரை விமர்சிக்கும் விதமாக காட்சிகளை வைத்திருந்தனர். எனினும் இந்த நிகழ்ச்சிக்கு கிடைத்த வரவேற்பின் காரணமாக குஷ்பு போன்ற பிரபலங்களும் மற்ற சில தொலைக்காட்சியில் இதே போன்ற பஞ்சாயத்து நிகழ்ச்சியின் தொகுப்பாளர்களாக இருந்தனர் என்பது குறிப்பிடத்தக்கது.
தொடர்ந்து இந்த நிகழ்ச்சி விமர்சனங்களை சந்தித்து வந்த நிலையில், ஒருவர்... நீதி மன்றத்தில் குடும்ப பிரச்னையை தீர்த்து வைக்க காவல்நிலையங்கள் மாற்று நீதிமன்றங்கள் இருக்கும் போது, ரேட்டிங்கிற்காக அப்பாவி மக்களை ஏமாற்றி, பணம் சம்பாதித்து வரும் இந்த நிகழ்ச்சியை தடை செய்ய வேண்டும் என, வழக்கு தொடர்ததை அடுத்து, இந்த நிகழ்ச்சி முடிவுக்கு வந்தது.
மேலும் செய்திகள்: ஸ்லீவ் லெஸ் ஜாக்கெட்டில்... கேரளா புடவை கட்டி அழகில் நயன்தாராவுக்கே டஃப் கொடுக்கும் அவரது ரீல் மகள் அனிகா!
பஞ்சாயத்து நிகழ்ச்சியை தாண்டி இவர் எப்போதுமே அதிக ஆர்வம் காட்டி வந்த ஒரே விஷயம் திரைப்பட இயக்கத்தில் தான். அந்த வகையில் இவர் இயக்கத்தில் வெளியான ஒவ்வொரு படங்களும், ஏதேனும் ஒரு கருத்தை ஆழமாக வலியுறுத்தும் படங்களாகவே அமைந்தது. கடந்த 2016 ஆண்டு வெளியான 'அம்மணி' திரைப்படம் விமர்சனம் ரீதியாக மிகப்பெரிய வரவேற்பை பெற்று வெற்றிபெற்றது. இதை தொடர்ந்து கடந்த ஆண்டு இவர் இயக்கத்தில் வெளியான 'ஹவுஸ் ஓனர்' படம் கலவையான விமர்சனங்களையே பெற்றது.
எப்போதும் சமூக சிந்தனையுடன் செயல்படும் இவர், தன்னுடைய மனதுக்கு ஏதாவது தவறு என்று பட்டால் உடனே, அது குறித்து எவ்வித தயக்கமும் இல்லாமல் வெளிப்படுத்தும் தைரியமான பெண்மணி. இந்நிலையில் இவர் தன்னுடைய சமூக வலைத்தளத்தில் போட்டுள்ள பதிவு தான் வைரலாகி வருகிறது.
மேலும் செய்திகள்: இயக்குனர் பாரதிராஜாவை நேரில் சந்தித்து நலம் விசாரித்த முதலமைச்சர் ஸ்டாலின்!
லட்சுமி ராமகிருஷ்ணனுக்கு மூன்று மகள்கள் உள்ள நிலையில், இரண்டு மகள்களுக்கு திருமணம் முடிந்து விட்டது. கடைசி மகளான ஷ்ரேயா மட்டுக்கே இன்னும் திருமணம் ஆகாமல் உள்ளார். இவருக்கு கடந்த 6 மாதங்களாக உடல்நிலை சரி இல்லாமல் உள்ளதாகவும், 20 மருத்துவர்கள் சேர்ந்து சிகிச்சை அளித்தபின்னர் தற்போது சற்று உடல்நலம் தேறி இருப்பதாகவும், எனினும் முழுமையாக அவர் குணமடையவில்லை என தெரிவித்துள்ளார். ஆனால் இவருக்கு என்ன பிரச்சனை என்பதை லட்சுமி ராமகிருஷ்ணன் தெரிவிக்கவில்லை.
எனவே இந்த வருட ஓணம் பண்டிகையை மிக சிறிய அளவிலேயே தங்களுடைய வீட்டில் கொண்டாடியதாக இது குறித்த புகைப்படத்தை வெளியிட்டுள்ளார். இந்த புகைப்படத்தில் லட்சுமி ராமகிருஷ்ணனின் மகள் ஸ்ரேயா மிகவும் உடல் இளைத்து காணப்படுகிறார். மகளுக்கு உடல்நிலை சரி இல்லை என்றாலும் எதையும் வெளியில் காட்டிக்கொள்ளாமல், இருக்கும் இவருக்கு ரசிகர்களும் தொடர்ந்து, தங்களின் ஆறுதலை கூறி வருகிறார்கள். லட்சுமி ராமகிருஷ்ணன், கணவர் ஒரு மருத்துவர் என்பது குறிப்பிடத்தக்கது.