பாலிவுட் நடிகர் ஷாருக்கான் இன்று தனது 60வது பிறந்தநாளை கொண்டாடி வரும் நிலையில், அவர் கடந்து வந்த பாதை மற்றும் அவரின் வியக்க வைக்கும் சொத்து மதிப்பு ஆகியவற்றை பார்க்கலாம்.
பாலிவுட்டின் பாட்ஷா என்று அழைக்கப்படும் நடிகர் ஷாருக்கான் (Shah Rukh Khan) இன்று, தனது 60வது பிறந்தநாளை கொண்டாடுகிறார். இந்த வயதிலும் ஃபிட்டாகவும் அழகாகவும் இருக்கும் இவர், 20 வயது நடிகைகளுடன் ரொமான்ஸ் செய்வதிலும் முன்னணியில் இருக்கிறார். அவருடைய ஒரு பார்வைக்காக நாள் முழுவதும் காத்திருக்கத் தயாராக இருக்கும் ரசிகர்கள் ஏராளம். அப்படிப்பட்ட ஒரு நடிகர் தனது ஆரம்பகால பயணத்தை 50 ரூபாயில் இருந்து தொடங்கியது பலருக்கும் தெரிந்திருக்க வாய்ப்பில்லை.
26
ஷாருக்கான் பிறந்தநாள்
இன்று பல வெற்றிகரமான ஆண்களுக்குப் பின்னால் வலிகளின் ஒரு நீண்ட தொடரே உள்ளது. பெரும்பாலான பிரபலங்கள் வறுமையில் வளர்ந்தவர்கள்தான். அவர்களில் ஒருவர் தான் ஷாருக்கான். பாலிவுட்டின் கிங் கான் என்று அழைக்கப்படும் இவருக்கு ரசிகர் பட்டாளம் இந்தியா மட்டுமல்லாமல் வெளிநாடுகளிலும் பரவியுள்ளது. துபாயின் மிக உயரமான கட்டிடமான புர்ஜ் கலீஃபாவில் அவரது பிறந்தநாள் கொண்டாடப்படுகிறது. இந்த முறை, மன்னத்தில் வீடு புதுப்பிக்கும் பணிகள் நடப்பதால், அவரது பிறந்தநாள் அலிபாக்கில் கொண்டாடப்படும் என்று தகவல்கள் தெரிவிக்கின்றன. பிறந்தநாள் அன்று அவரது கடந்தகால வாழ்க்கை குறித்த சில சுவாரஸ்யமான தகவல்களை இங்கே காணலாம்.
36
50 ரூபாய் சம்பளம்
ஷாருக்கான் இன்று நட்சத்திர அந்தஸ்தை அனுபவிக்கலாம். அவர் ஒரு வெற்றிகரமான நடிகராக பார்க்கப்படுகிறார், மேலும் ஒரு படத்திற்கு கோடிக்கணக்கில் சம்பளம் வாங்குகிறார். ஆனால் முன்பே சொன்னது போல், அவரது ஆரம்பகால வாழ்க்கை 50 ரூபாயில் இருந்து தொடங்கியது. ஷாருக்கான் டிக்கெட் விற்பனையாளராகவும் வேலை செய்த ஒரு காலம் இருந்தது. நிகழ்ச்சிகளுக்கு வரும் விருந்தினர்களை நாற்காலியில் அமர வைக்கும் வேலை செய்து, அதற்காக 50 ரூபாய் சம்பளம் பெற்றார். தனது தொழில் வாழ்க்கையின் தொடக்கத்தில் மும்பைக்கு வந்தபோது, தன்னைக் காப்பாற்றிக் கொள்ள தன்னிடம் இருந்த சிறிய கேமராவைக் கூட விற்றார்.
பழைய வீடியோ ஒன்றில் ஷாருக்கான் தன் வலிகள் நிறைந்த வாழ்க்கையை பகிர்ந்திருக்கிறார், அதில் அவர் ஒரு நடன ரியாலிட்டி ஷோவின் மேடையில் காணப்படுகிறார். அதில், அவர் தாஜ்மஹால் சென்ற அனுபவத்தை விவரிக்கிறார். தனது வாழ்க்கையில் ஒருமுறை மட்டுமே தாஜ்மஹாலைப் பார்த்ததாக அதில் அவர் கூறியுள்ளார். ஒரு இசை நிகழ்ச்சியின் போது, மக்களை இருக்கைகளுக்கு அழைத்துச் சென்று அமர வைக்கும் வேலையை செய்ததற்காக அவருக்கு 50 ரூபாய் சம்பளம் வழங்கப்பட்டது. இந்த பணத்தைப் பெற்ற பிறகு, அவர் உடனடியாக தாஜ்மஹாலைப் பார்க்கப் புறப்பட்டதை நினைவு கூர்ந்தார்.
56
லஸ்ஸி குடித்த சம்பவம்
கிடைத்த பணத்தில் தாஜ்மஹால் பார்க்கச் சென்ற அவருக்கு, செல்லும் வழியில் லஸ்ஸி கடையை பார்த்ததும் அதைக் குடிக்க ஆசைப்பட்டிருக்கிறார். அதை குடித்து முடித்த பின்னர் தான் அதில் ஒரு ஈ செத்துக் கிடந்தது அவருக்கு தெரியவந்திருக்கிறது. பின்னர், அவர் ரயிலில் ஆக்ராவிலிருந்து டெல்லிக்கு வாந்தி எடுத்தபடியே பயணம் செய்தார். அவரது உடல்நிலை மோசமடைந்தது. இதனால்தான் தாஜ்மஹால் முன்பு அவரால் புகைப்படம் எடுக்க முடியவில்லை. அந்த நேரத்தில், அவரால் 50 ரூபாயைக் கூட சேமிக்க முடியவில்லை.
66
ஷாருக்கான் சொத்து மதிப்பு
இப்படிப்பட்ட ஷாருக்கானுக்கு முதலில் 'சர்க்கஸ்' என்ற சீரியலில் நடிக்கும் வாய்ப்பு கிடைத்தது. அங்கிருந்து படிப்படியாக வளர்ந்து, பல ஏற்ற தாழ்வுகளைச் சந்தித்து, இன்று 12,490 கோடி ரூபாய்க்கு அதிபதியாகியுள்ளார். ஹுருன் சமீபத்தில் நாட்டின் பணக்கார பிரபலங்களை பற்றிய ஒரு அறிக்கையை வெளியிட்டது. இந்த பட்டியலின்படி, அவரது சொத்து மதிப்பு 12,490 கோடி.
