ஆர்யாவிற்கு ஜோடியாக நடித்துள்ள துஷாரா விஜயன் மாரியம்மாள் என்ற கதாபாத்திரத்தில் வாழ்த்திருப்பதாக பாராட்டுக்கள் குவிந்து வருகிறது
சூப்பர் ஸ்டாருடனும், உலக நாயகனுடனும் ஒரு படத்திலாவது நடித்துவிட என்ற அப்போது நடிகைகள் பேட்டிகளில் கூறிவந்தனர். சிறிது காலத்திற்கு முன்பு வரை விஜய், அஜித் எனக்கூறிக்கொண்டிருந்தனர், தற்போது அந்த பட்டியலில் இடம் பிடித்திருப்பவர் நடிப்பு அசுரன் தனுஷ்.
கடந்த ஆண்டு தனுஷுக்கு பிறந்தநாள் வாழ்த்து கூறிய மாஸ்டர் பட நாயகி மாளவிகா மோகனன். உங்களுடன் ஒரு படத்திலாவது நடிக்க ஆர்வமாக இருக்கிறேன் என தெரிவித்தார். அடுத்த சில நாட்களிலேயே கார்த்திக் நரேன் இயக்கத்தில் #D43 பட நாயகியாக மாளவிகா மோகனன் நடிக்க உள்ளதாக அதிகாரப்பூர்வ அறிவிப்பு வெளியானது.
தற்போது அதே டெக்னிக்கை சார்பட்டா பரம்பரை பட நாயகியான துஷாரா விஜயன் கையில் எடுத்துள்ளார். பா.ரஞ்சித் இயக்கத்தில் அமேசான் ப்ரைம் ஓடிடி தளத்தில் வெளியான ‘சார்பட்டா பரம்பரை’ திரைப்படம் ரசிகர்களிடையே பெரும் வரவேற்பை பெற்றுள்ளது.
இதில் ஆர்யாவிற்கு ஜோடியாக நடித்துள்ள துஷாரா விஜயன் மாரியம்மாள் என்ற கதாபாத்திரத்தில் வாழ்த்திருப்பதாக பாராட்டுக்கள் குவிந்து வருகிறது. இதையடுத்து பேட்டி ஒன்றில் தன்னுடைய அனுபவங்களை பகிர்ந்து கொண்டுள்ள துஷாரா விஜயன், அடுத்து தனுஷுடன் நடிக்க ஆவலாக இருப்பதாக தெரிவித்துள்ளார். இதை பார்த்த நெட்டிசன்களோ மாளவிகா மோகனன் ரூட்டை கையில் எடுத்து இருக்கீங்க போல என கருத்து தெரிவித்துள்ளனர்.