சரவணன் அருள் நடிப்பில் கடந்த ஜூலை 28-ந் தேதி ரிலீசான படம் ‘தி லெஜண்ட்’. சரவணன் நடித்த முதல் படமாக இது இருந்தாலும், இப்படத்துக்கு ரஜினி பட ரேஞ்சுக்கு புரமோஷன் செய்யப்பட்டது. முன்னணி நடிகர்களின் படங்களுக்கு தான் பெரும்பாலும் அதிகாலை 4 மணி காட்சி திரையிடப்படும். அந்த பெருமையை அறிமுக படத்துலேயே பெற்றுவிட்டார் சரவணன்.
இந்நிலையில், கேரளாவில் தி லெஜண்ட் திரைப்படம் பிரபாஸின் ராதே ஷ்யாம் படத்தின் வசூல் சாதனையை முறியடித்துள்ள சம்பவம் அரங்கேறி உள்ளது. பிரபாஸ் நடிப்பில் கடந்த மார்ச் மாதம் வெளியான திரைப்படம் ராதே ஷ்யாம். பான் இந்தியா படமாக வெளியிடப்பட்ட இப்படம் பிரபாஸின் கெரியரில் மிகப்பெரிய தோல்வி படமாக அமைந்தது.
இப்படம் கேரளாவில் ரிலீசான முதல் நாளில் ரூ.4 லட்சம் மட்டுமே வசூலித்து இருந்ததாம். தற்போது சரவணன் நடிப்பில் வெளியாகி உள்ள லெஜண்ட் திரைப்படம் கேரள பாக்ஸ் ஆபிஸில் முதல் நாளில் ரூ.4.7 லட்சம் வசூலித்து பிரபாஸ் படத்தையே பின்னுக்கு தள்ளி உள்ளது பலரையும் ஆச்சர்யத்தில் ஆழ்த்தி உள்ளது. பிரபாஸின் ராதே ஷ்யாம் திரைப்படம் ரூ.100 கோடிக்கு மேல் நஷ்டம் அடைந்தது குறிப்பிடத்தக்கது.