கன்னட திரையுலகில் வெறும் ரூ.16 கோடி பட்ஜெட்டில் உருவான காந்தாரா ரூ.400 கோடிவரை வசூல் செய்துள்ளது திரைத்துறையினரை மலைக்க வைத்துள்ளது.
கன்னட திரையுலகில் ரிஷப் ஷெட்டி இயக்கி, நடித்திருந்த காந்தாரா திரைப்படம் இந்த ஆண்டு செப்டம்பர் மாதம் 30-ந் தேதி ரிலீசானது. இப்படம் வெளியானது முதலே ரசிகர்கள் மத்தியில் விமர்சன ரீதியாக பெரும் வரவேற்பை பெற்றது. கே.ஜி.எஃப் திரைப்படங்களை தயாரித்த ஹோம்பாலே பிலிம்ஸ் நிறுவனம் தான் காந்தாரா திரைப்படத்தையும் தயாரித்து இருந்தது.
மலைவாழ் மக்களான பழங்குடியினரின் வாழ்க்கையையும், கொண்டாட்டத்தையும், அவர்களின் தெய்வ வழிபாட்டையும் பிரதீபலித்த காந்தாரா, நில ஆக்கிரமிப்பில் ஈடுபடும் நிலக்கிழார்களின் சாதிய ஒடுக்குறைக்கு பழங்குடியினர் ஆளாவதும், அவர்களது தேவைக்காக ஏமாற்றப்படுவதும், பலியாவதும் என ஒடுக்கப்பட்டோரின் போராட்டத்தையும் வலியையும் ஆணித்தனமாக பதிவு செய்திருந்தது இப்படம்.
ஆரம்பத்தில் கன்னட மொழியில் மட்டும் வெளியிடப்பட்ட காந்தாரா படத்துக்கு பிற மாநிலங்களிலும் கிடைத்த வரவேற்பை கண்ட படக்குழு, இப்படத்தை தமிழ் உள்பட பிற மொழிகளிலும் டப் செய்து கடந்த மாதம் வெளியிட்டது படக்குழு. இதன்மூலம் அதிகப்படியான வசூலை ஈட்டத்தொடங்கிய காந்தாரா சில நாட்களிலேயே ரூ.100 கோடி வசூலை எட்டியது.
இதையும் படியுங்கள்... சூப்பர்ஸ்டாரை மெர்சலாக்கிய காந்தாரா... ரஜினியின் காலில் விழுந்து நன்றி சொன்ன இயக்குனர் ரிஷப் ஷெட்டி
திரைப்படத்தை பார்த்த நடிகர் ரஜினிகாந்த் படக்குழுவை நேரில் அழைத்து பாராட்டியதோடு, இயக்குனர் ரிஷப் ஷெட்டிக்கு தங்க செயின் ஒன்றையும் பரிசாக வழங்கினார். 50 நாட்களைக் கடந்து திரையரங்குகளில் வெற்றிகரமாக ஓடிக்கொண்டிருக்கும் காந்தாரா தற்போது உலகம் முழுவதும் ரூ. 400 கோடிக்கு மேல் வசூலை ஈட்டி சாதனை படைத்துள்ளது.
16 கோடி என்கிற சிறிய பட்ஜெட்டில் உருவான காந்தாரா ரூ.400 கோடிவரை வசூல் செய்துள்ளது திரைத்துறையினரை மலைக்க வைத்துள்ளது. கர்நாடக மாநிலத்தில் அதிக வசூலை ஈட்டியதாக கூறப்பட்ட கே.ஜி.எஃப் 2 திரைப்படத்தின் ரூ.155 கோடி வசூலைக் கடந்துள்ள காந்தாரா திரைப்படம், தற்போது ரூ.160 கோடி வசூல் செய்து, கர்நாடகாவில் அதிக வசூலை ஈட்டிய திரைப்படம் என்கிற சாதனையை படைத்துள்ளது.
இதையும் படியுங்கள்... வாரிசுக்கு 35 சதவீத தியேட்டர் தான் கிடைக்கும்... விஜய்க்கு அவ்ளோ தான் மரியாதை - தயாரிப்பாளர் கே.ராஜன் விளாசல்