Mirna Menon : சூப்பர் ஸ்டார் ரஜினிகாந்தின் "ஜெயிலர்" திரைப்படத்தில் அவருடைய மருமகளாக நடித்து புகழ்பெற்ற நடிகை தான் மிர்னா மேனன்.
கேரளாவின் இடுக்கி மாவட்டத்தில் பிறந்து, அங்கேயே தனது பட்டப் படிப்பை முடித்த நடிகை மிர்னா மேனன், சாப்ட்வேர் டெவலப்பராக துபாயில் சில காலம் பணியாற்றி வந்தது குறிப்பிடத்தக்கது. அதன் பிறகு நடிப்பின் மீது கொண்ட ஆர்வத்தின் காரணமாக, மலையாள மொழியில் ஒளிபரப்பான சின்னத்திரை நிகழ்ச்சிகளில் அவர் பணியாற்ற தொடங்கினார்.
கொட்டுக்காளியை தியேட்டரில் வெளியிட்டது தவறு - சிவகார்த்திகேயனை நேரடியாக விமர்சித்த அமீர்! ஏன்?
முழுக்க முழுக்க கேரளாவிலேயே தனது வாழ்க்கையை கழித்த மிர்னா மேனன், முதல் முறையாக திரைப்படங்களில் அறிமுகமானது கோலிவுட் படம் மூலம் தான். கடந்த 2015ம் ஆண்டு வெளியான "பட்டதாரி" என்கின்ற திரைப்படத்தின் மூலம் இவர் தமிழ் திரையுலகில் நடிகையாக அறிமுகமானார்.
தொடர்ச்சியாக தமிழில் "களவாணி மாப்பிள்ளை" மற்றும் "புர்கா" உள்ளிட்ட திரைப்படங்களில் நடித்த மிர்னா மேனன், மலையாளம் மற்றும் தெலுங்கு மொழி திரைப்படங்களிலும் நடித்து வந்தார். இந்த சூழலில் தான் கடந்த 2023ம் ஆண்டு சூப்பர் ஸ்டார் ரஜினிகாந்த் நடிப்பில் வெளியான "ஜெயிலர்" திரைப்படத்தில் நடிக்கும் வாய்ப்பு இவருக்கு கிடைத்தது.
"ஜெய்லர்" திரைப்படத்தின் மூலம் மிகப் பெரிய வரவேற்பை பெற்ற நடிகை மிர்னா மேனன், தொடர்ச்சியாக தமிழ் மற்றும் தெலுங்கு மொழியில் திரைப்படங்களில் நடித்து வருகிறார். தனது சமூக வலைதளங்களில் மிகவும் ஆக்டிவாக இருக்கும் மிர்னா மேனன், அவ்வப்போது தனது கவர்ச்சியான புகைப்படங்களையும் வெளியிட்டு வருகிறார்.
அப்புறம் எல்லாரும் ரெடியா? கூலி பட அதிகாரப்பூர்வ அப்டேட்ஸ் - ஆட்டத்தை துவங்கும் லோகேஷ்!