Coolie Release Date: சவுண்ட ஏத்து! தேவா வர்ராரு; 'கூலி' பட ரிலீஸ் தேதி அறிவிப்பு!

லோகேஷ் கனகராஜ் இயக்கத்தில், ரஜினிகாந்த் நடித்துள்ள 'கூலி' திரைப்படத்தின் ரிலீஸ் தேதியை படக்குழு தற்போது அதிகார பூர்வமாக அறிவித்துள்ளது.  

ஆகஸ்ட் 14-ஆம் தேதி ரிலீஸ்:

'வேட்டையன்' படத்தின் சுமாரான வரவேற்புக்கு பின்னர், ரஜினிகாந்த் தற்போது இயக்குனர் லோகேஷ் கனகராஜ் இயக்கத்தில், 'கூலி' படத்தில் நடித்து முடித்துள்ளார். இந்த படத்தின் ரிலீஸ் தேதியை படக்குழு ஒருவழியாக அறிவித்துள்ளது. அதன்படி,  'கூலி' திரைப்படம் 2025 ஆகஸ்ட் 14-ஆம் தேதி அன்று, திரையரங்குகளில் வெளியாகும் என சன் பிச்சர்ஸ் நிறுவனம் தெரிவித்துள்ளது. 

Coolie Movie Release Date:

கூலி படத்தின் ரிலீஸ் தேதி:

இதுகுறித்து சன் பிக்சர்ஸ் நிறுவனத்தின் அதிகாரப்பூர்வ எக்ஸ் பக்கத்தில், "சவுண்ட ஏத்து! தேவா வர்ராரு என்கிற கேப்ஷனுடன், "கூலி உலகம் முழுவதும் ஆகஸ்ட் 14 முதல்," என்று தெரிவிக்கப்பட்டுள்ளது".

Coolie Cast and Crew:

கூலி படத்தில் நடிக்கும் நடிகர்கள்:

மேலும் ரஜினிகாந்தின் புதிய போஸ்டர் ஒன்றையும் தயாரிப்பு நிறுவனம் பகிர்ந்துள்ளது. அதில் அவர் தாடியுடன் காணப்படுகிறார். லோகேஷ் கனகராஜ் இயக்கத்தில் மிகப்பெரிய எதிர்பார்ப்புக்கு மத்தியில் உருவாகியுள்ள கூலி படத்தில் உப்சேந்திரா, அக்கினேனி நாகார்ஜுனா, சௌபின் ஷாஹிர், சத்யராஜ் மற்றும் ஸ்ருதி ஹாசன் உள்ளிட்ட பலர் நடிக்கின்றனர்.

Lokesh Kanagaraj Rajinikanths Coolie film update out

நெல்சன் திலீப்குமார் இயக்கி வரும் 'ஜெயிலர் 2':

இதை தொடர்ந்து, இயக்குனர் நெல்சன் திலீப்குமார் இயக்கி வரும் 'ஜெயிலர் 2' படத்தில் ரஜினிகாந்த் நடிக்க உள்ளார். இந்த படத்திற்கு இசையமைப்பாளர் அனிருத் ரவிச்சந்தர் இசையமைக்கிறார். இந்த படத்தையும் தற்போது கூலி படத்தை தயாரித்து முடித்துள்ள சன் பிச்சர்ஸ் நிறுவனம் தான் தயாரிக்க உள்ளது. முதல் பாகத்தில் நடித்த நடிகர்களே இரண்டாவது பாகத்திலும் நடிக்க உள்ள நிலையில், இப்படத்தில் புதிதாக இணைந்துள்ள நடிகர்கள் பற்றிய அறிவிப்பும் கூடிய விரைவில் வெளியாகும் என கூறப்படுகிறது.