தமிழில் டஜன் கணக்கிலான படங்களை கைவசம் வைத்துள்ள நடிகை பிரியா பவானி சங்கர், ‘கல்யாணம் கம்நீயம்’ என்கிற படம் மூலம் தெலுங்கில் அறிமுகமாகி உள்ளார்.
செய்தி வாசிப்பாளராக இருந்து பின்னர் சின்னத்திரை சீரியல்களில் நடிக்கத்தொடங்கியதன் மூலம் மக்கள் மனதில் இடம்பிடித்தவர் பிரியா பவானி சங்கர். இவர் கடந்த 2017-ம் ஆண்டு ரத்னகுமார் இயக்கத்தில் வெளியான மேயாத மான் திரைப்படத்தின் மூலம், தமிழ் திரையுலகில் எண்ட்ரி கொடுத்தார். அப்படத்தில் அவர் வைபவ்வுக்கு ஜோடியாக நடித்திருந்தார்.
இதையடுத்து மாஃபியா, கடைக்குட்டி சிங்கம், மான்ஸ்டர், ஓ மணப்பெண்னே, கசடதபற போன்ற படங்களில் நடித்த பிரியாவுக்கு கடந்த ஆண்டு வெற்றிகரமான ஆண்டாகவே அமைந்தது. கடந்தாண்டு அருண் விஜய்க்கு ஜோடியாக யானை, அதர்வா உடன் குறுதி ஆட்டாம், தனுஷின் திருச்சிற்றம்பலம் என இவர் நடித்த மூன்று படங்களுமே நல்ல வரவேற்பை பெற்றன.
இதையும் படியுங்கள்... அடேங்கப்பா... துணிவு பட கட்-அவுட்டுக்கு 7 லட்சம் செலவில் பிரம்மாண்ட மலர் மாலை..! மாஸ் காட்டும் அஜித் ரசிகர்கள்
தற்போது கைவசம் டஜன் கணக்கிலான படங்களை வைத்துக் கொண்டு தமிழ் சினிமாவில் செம்ம பிசியான நடிகையாக வலம் வந்துகொண்டிருக்கிறார் பிரியா பவானி சங்கர். சிம்புவுடன் பத்து தல, எஸ்.ஜே.சூர்யாவின் பொம்மை, ஷங்கர் இயக்கும் இந்தியன் 2, ஜெயம் ரவிக்கு ஜோடியாக அகிலன், ராகவா லாரன்ஸ் உடன் ருத்ரன், அஜய் ஞானமுத்து இயக்கும் டிமாண்டி காலனி 2 ஆகிய படங்களும் இந்த லிஸ்ட்டில் அடங்கும்.
இதுதவிர தெலுங்கிலும் ஹீரோயினாக அறிமுகமாகி உள்ளார் பிரியா பவானி சங்கர். தெலுங்கில் அவர் நடித்துள்ள முதல் படம் ‘கல்யாணம் கம்நீயம்’. அனில் குமார் என்பவர் இயக்கியுள்ள இப்படத்தில் சந்தோஷ் சோபன் என்பவருக்கு ஜோடியாக நடித்துள்ளார் பிரியா பவானி சங்கர். இப்படம் வருகிற ஜனவரி 14-ந் தேதி பொங்கல் விடுமுறையில் ரிலீசாக உள்ளது. அன்றைய தினம் தான் விஜய் நடித்துள்ள வாரிசு படத்தின் தெலுங்கு வெர்ஷன் ஆன வாரசுடுவும் ரிலீசாக உள்ளது குறிப்பிடத்தக்கது.
இதையும் படியுங்கள்... பரிந்துரை பட்டியலை வெளியிட்ட ஆஸ்கர் குழு... இரவின் நிழல், காந்தாரா உள்பட 10 இந்திய படங்கள் தகுதி