OTT Release: திகிலூட்டிய மர்மர் முதல் ஸ்ரீதேவி மகள் நடித்த 'லவ்யப்பா' வரை; இந்த வார ஓடிடி ரிலீஸ் அப்டேட்!

கடந்த மாதம் ரிலீஸ் ஆன 'மர்மர்' மற்றும் பிப்ரவரி மாதம் ரிலீஸ் ஆன 'லவ்யப்பா' ஆகிய படங்களின் ஓடிடி ரிலீஸ் தேதி குறித்த தகவல் தற்போது வெளியாகியுள்ளது.  

ஓடிடி ரிலீஸ் படங்கள்:

ஒவ்வொரு வாரமும் திரையரங்கில் ரிலீஸ் ஆகும் படங்களை விட, ஓடிடி-யில் ரிலீஸ் ஆகும் படங்கள் மீதான எதிர்பார்ப்பு அதிகரித்து காணப்படுகிறது. அந்த வகையில் இந்த வாரம், ரசிகர்கள் ஆர்வத்துடன் எதிர்பார்க்கும் ஓடிடி ரிலீஸ் படங்கள் பற்றிய தகவலைகளை பார்ப்போம்.

மர்மர்:

தமிழ் சினிமாவில், முதல் ஃபவுண்ட் ஃபூட்டேஜ் ஹாரர் திரைப்படமாக கடந்த மாதம் (மார்ச் 7-ஆம் தேதி) ரிலீஸ் ஆன திரைப்படம் தான் 'மர்மர்'. நொடிக்கு நொடி திகிலூட்டும் காட்சிகளுடன் ரிலீஸ் தமிழகத்தில் சுமார் 100 திரையரங்குகளில் மட்டுமே ரிலீஸ் ஆன இந்த படம் இரண்டாவது நாளிலேயே, படத்திற்கு கிடைத்த பாசிட்டிவ் விமர்சனங்கள் காரணமாக தியேட்டர் எண்ணிக்கை இருமடங்காக அதிகரித்தது.

இயக்குனர் ஹேம்நாத் நாராயணன் என்பவர் எழுதி, இயக்கிய இப்படத்தை, எஸ்.பி.கே. பிக்சர்ஸ் சார்பில் பிரபாகரன் மற்றும் ஸ்டான்ட் அலோன் பிக்சர்ஸ் இன்டர்நேஷனல் தயாரித்திருந்தது. இந்தப் படத்திற்கு ஒளிப்பதிவு பணிகளை ஜேசன் வில்லியம்ஸ் மேற்கொள்ள, ஒலி வடிவமைப்பு பணிகளை கெவின் ஃபிரடெரிக் மற்றும் படத்தொகுப்பு பணிகளை ரோஹித் ஆகியோர் சிறப்பாக செய்திருந்தனர். ட்ரீம் வாரியர் பிக்சர்ஸ் நிறுவனம் தான் 'மர்மர்' படத்தை தமிழகமெங்கும் ரிலீஸ் செய்த்து. ஒரு புதுவிதமான முயற்ச்சியில்... அறிமுக நடிகர்கள் நடிப்பில் வெளியான இந்த படத்தின் ஓடிடி ரிலீஸ் குறித்த தகவல் தற்போது வெளியாகி உள்ளது. அதன்படி, 'மர்மர்' திரைப்படம் ஏப்ரல் 7-ஆம் தேதி அன்று, டென்ட்கொட்டா ஓடிடி தளத்தில் ரிலீஸ் ஆகும் என அறிவிக்கப்பட்டுள்ளது.

லவ்யப்பா:

இதை தொடர்ந்து நடிகை ஸ்ரீ தேவியின் இளைய மகள் குஷி கபூர் மற்றும் அமீர் கான் மகன் ஜுனைத் கான் நடிப்பில், கடந்த பிப்ரவரி மாதம் ரிலீஸ் ஆன, 'லவ்யப்பா' திரைப்படத்தின் ஓடிடி ரிலீஸ் குறித்து அறிவிக்கப்பட்டுள்ளது. அதன்படி, ஜியோ ஹாட் ஸ்டார் ஓடிடி தளத்தில் ஏப்ரல் 4-ஆம் தேதி ரிலீஸ் ஆக உள்ளது. இதுகுறித்த தகவலும் அதிகாரப்பூர்வமாக அறிவிக்கப்பட்டுள்ளது.

இப்படம் தமிழில் ரூ.5 கோடி பட்ஜெட்டில், இயக்குனர் பிரதீப் ரங்கநாதன் இயக்கி ஹீரோவாக நடித்த, 'லவ் டுடே' திரைப்படத்தின் ஹிந்தி ரீமேக்காக தான்  லவ்யப்பா எடுக்கப்பட்டிருந்தது. ரூ.60 கோடியில் எடுக்கப்பட்ட இப்படம்... ஹிந்தியில் பெரிதாக வரவேற்பை பெறாமல் தோல்வியடைந்தது. குறிப்பிடத்தக்கது. பிரதீப் ரங்கநாதன் ஏற்று நடித்த வேடத்தில் ஜுனைத் கான் நடிக்க, இவானா நடித்த ஹீரோயின் கதாபாத்திரத்தில் குஷி கபூர் நடித்திருந்தது குறிப்பிடத்தக்கது.

டெஸ்ட்:

அதே போல் இந்த வாரம் நயன்தாரா, மாதவன், சித்தார்த், மீரா ஜாஸ்மின் நடித்துள்ள 'டெஸ்ட்' திரைப்படம் நேரடியாக நெட்பிளிக்ஸ் ஓடிடி தளத்தில் ரிலீஸ் ஆக உள்ளது. இப்படத்தை சசிகாந்த் இயக்கி உள்ளார். மேலும் பின்னணி பாடகி சக்திஸ்ரீ கோபாலன் இசையமைப்பாளராக அறிமுகமாகி இருக்கிறார். இப்படம் வருகிற ஏப்ரல் 4-ந் தேதி நேரடியாக நெட்பிளிக்ஸ் ஓடிடி தளத்தில் ரிலீஸ் ஆக உள்ளது.

கிங்ஸ்டன் - லெக் பீஸ்

அதே போல் கமல் பிரகாஷ் இயக்கத்தில், ஜீவி பிரகாஷ் குமாரின் 25-ஆவது படமாக ரிலீஸ் ஆன, கிங்ஸ்டன் திரைப்படமும் இந்த வாரம் ஏப்ரல் 4-ஆம் தேதி, ஜீ 5 ஓடிடி தளத்தில் ரிலீஸ் ஆக உள்ளது. இதை தொடர்ந்து காமெடி கதைக்களத்தில் நடிகர் ஸ்ரீகாந்த் இயக்கத்தில் ரிலீஸ் ஆன 'லெக் பீஸ்' திரைப்படமும் இந்த வாரம் ரிலீஸ் ஆக உள்ளது குறிப்பிடத்தக்கது.