Coolie Movie Second Heroine : லோகேஷ் கனகராஜ் இயக்கத்தில் ரஜினிகாந்த் நடித்து வரும் கூலி திரைப்படத்தில் ஸ்ருதிஹாசன் மட்டுமின்றி மற்றொரு நாயகியும் நடித்து வருகிறாராம்.
ரஜினிகாந்த் நடிப்பில் இந்த ஆண்டு வெளியான வேட்டையன் திரைப்படம் வெற்றியடைந்ததை அடுத்து அவர் நடிப்பில் அடுத்ததாக உருவாகி வரும் படம் கூலி. இப்படத்தை லோகேஷ் கனகராஜ் இயக்கி வருகிறார். இப்படத்திற்கு அனிருத் இசையமைக்க கிரீஷ் கங்காதரன் ஒளிப்பதிவு செய்கிறார். இப்படத்தை சன் பிக்சர்ஸ் நிறுவனம் மிகப்பெரிய பொருட்செலவில் தயாரித்து வருகிறது. பான் இந்தியா படமாக இது தயாராகி வருகிறது. இப்படத்தின் ஷூட்டிங்கும் இறுதிக்கட்டத்தை எட்டி உள்ளது.
கூலி திரைப்படத்தில் ரஜினியுடன் நடிகை ஸ்ருதிஹாசன், தெலுங்கு நடிகர் நாகார்ஜுனா, கன்னட நடிகர் உபேந்திரா, மலையாள நடிகர் செளபின் சாஹிர், பாலிவுட் நடிகர் அமீர்கான் என மிகப்பெரிய நட்சத்திர படையே நடித்து வருகிறது. இப்படம் தமிழ் சினிமாவின் முதல் ஆயிரம் கோடி வசூல் அள்ளும் படமாக இருக்கக்கூடும் என எதிர்பார்க்கப்படுகிறது. கூலி படத்தின் படப்பிடிப்பு திட்டமிட்டபடி முடிக்கப்பட்டால் இப்படம் அடுத்த ஆண்டு கோடை விடுமுறையில் திரைக்கு வர வாய்ப்புள்ளது.
இதையும் படியுங்கள்... 2024-ல் பாக்ஸ் ஆபிஸ் கிங் யார்? வசூலை வாரிக்குவித்த டாப் 5 படங்கள் லிஸ்ட் இதோ
கூலி படத்தில் ஸ்ருதிஹாசன் மட்டுமே நாயகியாக நடித்துவருவதாக கூறப்பட்ட நிலையில், அதில் மற்றொரு நடிகையையும் சர்ப்ரைஸாக நடிக்க வைத்திருக்கிறார் லோகேஷ் கனகராஜ். அந்த நடிகை யார் என்கிற தகவல் லீக் ஆகி உள்ளது. அவர் வேறுயாருமில்லை பிகில் படத்தில் ஆசிட் வீச்சால் பாதிக்கப்பட்ட பெண்ணாக நடித்திருந்த ரெபா மோனிகா ஜான் தான் தற்போது ரஜினிகாந்தின் கூலி திரைப்படத்தில் நடித்திருக்கிறார் என்கிற தகவல் கசிந்துள்ளது.
சமீபத்தில் மழையில் நனைகிறேன் படத்தின் புரமோஷனுக்காக வந்திருந்த ரெபா மோனிகா ஜானிடம் இதுபற்றி கேட்டபோது, ரஜினியுடன் நடித்த அனுபவம் அருமையாக இருந்ததாக கூறியதோடு, தான் அப்படத்தில் இடம்பெற்றிருப்பதை படக்குழுவே அதிகாரப்பூர்வமாக அறிவிக்கும் என கூறி இருக்கிறார். விக்ரம் படத்தில் வந்த ஏஜண்ட் டீனா கதாபாத்திரம் போல் கூலி திரைப்படத்தில் ரெபா மோனிகாவின் கேரக்டர் இடம்பெறும் என்பது மட்டும் உறுதியாக தெரிகிறது.
இதையும் படியுங்கள்... இயக்குனருடன் ஓடிப்போய் திருமணம் செய்த இந்த நடிகை யாரென்று தெரிகிறதா?
சேனலை கிளிக் செய்து பின்தொடரவும்