பிரபல செய்தி வாசிப்பாளர் கண்மணிக்கு மிக பிரமாண்டமாக வளைகாப்பு நடந்து முடிந்துள்ள நிலையில், இது குறித்த புகைப்படங்கள் தற்போது சமூக வலைதளங்களில் வெளியாகி ரசிகர்கள் மத்தியில் வாழ்த்துக்களை குவித்து வருகிறது.
சமீபகாலமாக வெள்ளித்திரை மற்றும் சின்னத்திரை நடிகர், நடிகைகளை தாண்டி... தொகுப்பாளர்கள் மற்றும் செய்தி வாசிப்பாளர்களுக்கும் தனி ரசிகர்கள் கூட்டம் உள்ளது. அந்த வகையில் தன்னுடைய அழகாலும் குறுகுறு பார்வையாலும் ரசிகர்கள் மனதை கொள்ளை கொண்டவர் செய்திவாசிப்பாளரான கண்மணி.
ஜெயா டிவியில் தன்னுடைய நியூஸ் ரீடர் பயணத்தை துவங்கிய கண்மணி, பின்னர் நியூஸ்18, காவிரி போன்ற பல செய்தி நிறுவனங்களில் பணியாற்றி உள்ளார். தற்போது இவர் சன் டிவியில் நியூஸ் ரீடர் ஆக பணியாற்றி வருகிறார். தற்போதைய ட்ரெண்ட் செட்டப்புக்கு ஏற்றாப்போல் பெண் ரசிகர்களை கவரும் விதத்தில், சேலை மற்றும் நகைகள் அணிந்து வருவது இவரிடம் உள்ள ஸ்பெஷல் என்று கூறலாம்.
இந்நிலையில் கண்மணி கடந்த ஆண்டு, தன்னுடைய காதலரும் இதயத்தை திருடாதே சீரியல் மூலம் பிரபலமான நடிகர் நவீனை பெற்றோர் சம்மதத்துடன் திருமணம் செய்து கொண்டார். திருமணத்திற்கு பிறகும், தொடர்ந்து செய்தி வாசிப்பாளராக இருந்து வரும் கண்மணி, கர்ப்பமாக இருக்கும் தகவல் கடந்த மூன்று மாதங்களுக்கு முன்பு வெளியிட்ட வீடியோ ஒன்றின் மூலம் ரசிகர்களுக்கு தெரியவந்தது.
முதலில் இந்த செய்தியை ரகசியமாக வைத்திருக்க நினைத்த இந்த ஜோடிகள், அனைவரும் கர்ப்பம் குறித்து தொடர்ந்து கேள்வி எழுப்பியதால்... உண்மையை உடைத்து கூறி, இன்ப அதிர்ச்சி கொடுத்தனர். மேலும் அவ்வப்போது தங்களின் சந்தோஷத்தை வெளிப்படுத்தும் விதமாகவும், புகைப்படங்களை வெளியிட்டு வருவதை வழக்கமாக வைத்திருந்தனர் இந்த ஜோடி.
நகைச்சுவை நடிகர் செந்திலுக்கு திருக்கடையூரில் நடந்த 70-வது ஷஷ்டியப்த பூர்த்தி! வைரலாகும் புகைப்படம்!
இந்நிலையில் கண்மணிக்கு மிகவும் பிரமாண்டமாக களைகாப்பு முடிவடைந்துள்ள நிலையில், இதுகுறித்த புகைப்படங்கள் தற்போது வெளியாகி உள்ளது. நடிகர் நவீன், தன்னுடைய காதல் மனைவி கண்மணிக்கு வளைகாப்பு நடைபெறும் மேடை முழுவதையுமே வளையலால் அலங்கரித்து அசத்தியுள்ளார். ரசிகர்கள் கண்மணிக்கு வாழ்த்து கூறி வருவதோடு, உடல் நலனை பார்த்துக்கொள்ளுங்கள் என அக்கறையோடு அட்வைஸ் கொடுத்தும் வருகிறார்கள்.
சேனலை கிளிக் செய்து பின்தொடரவும்