சமீபத்தில் திருமண பந்தத்தில் , இணைத்துள்ள நடிகை அதிதி ராவ் ஹைதரி மற்றும் நடிகர் சித்தார்த்தின், திருமண புகைப்படங்களை பகிர்ந்து திருமணத்தை உறுதி செய்துள்ள இந்த நட்சத்திரங்களின் சொத்து மதிப்பு குறித்த தகவல் வெளியாகியுள்ளது.
ராஜ குடும்பத்தைச் சேர்ந்த அதிதி ராவ் ஹைதரி, அக்பர் ஹைதாரி மற்றும் ஜே. ராமேஷ்வர் ராவினுடைய பேத்தி ஆவார். இவர் பிரபல முன்னணி நடிகர் சித்தரத்தை திருமணம் செய்து கொண்ட நிலையில், இவர்கள் இருவரின் சொத்து மதிப்பு குறித்த தகவல் தற்போது வெளியாகியுள்ளது. அதன்படி, இவரது நிகர சொத்து மதிப்பு ரூ. 60-65 கோடி என மதிப்பிடப்பட்டுள்ளது. ஜாக்ரன் இங்கிலிஷ், சியாசத் செய்தி நிறுவனங்களின் தகவல்படி, சித்தார்த்தின் நிகர சொத்து மதிப்பு ரூ. 70 கோடி என கணக்கிடப்பட்டுள்ளது. இதன்படி, இந்த ஜோடியின் மொத்த சொத்து மதிப்பு ரூ. 130 முதல் 135 கோடி வரை இருக்கும் என கூறப்படுகிறது.
நடிகை அதிதி ராவ், கடைசியாக 'ஹீராமண்டி: தி டயமண்ட் பஜாரில்' நடித்து அனைவரது கவனத்தையும் ஈர்த்தார். நெட்பிலிக்ஸ் ஓடிடி தாளத்தில் வெளியான வெப் தொடரில், மிகவும் போல்டானா விலைமாது கதாபாத்திரத்திலும், பின்னர் சுதந்திர போராட்டத்தில் கலந்து கொண்டு உயிரை கொடுக்கும் பெண்ணாகவும் நடித்திருந்தார். சஞ்சய் லீலா பன்சாலி இயக்கத்தில் வெளியான இந்த வெப் தொடருக்காக, ரூ. 1 கோடி சம்பளமாகப் பெற்றார் என கூறப்பட்டது. இதை தொடர்ந்து விஜய் சேதுபதி நடிக்கும் காந்தி டாக்ஸில் படத்திலும் நடித்து வருகிறார்.
பிரியங்கா - மணிமேகலை சண்டை! மா.கா.பா-வின் நச் கருத்து; பாவனா கொடுத்து புது விளக்கம்!
இவரது காதலரான, சித்தார்த் ஒரு படத்திற்கு ரூ. 4 கோடி சம்பளமாகப் பெறுகிறார். டைம்ஸ் ஆஃப் இந்தியா செய்தி நிறுவனத்தின் தகவல்படி, இந்தியன் 2 படத்தில் கமல்ஹாசனுடன் இணைந்து நடித்ததற்காக இந்த நடிகர் ரூ. 4 கோடி சம்பளமாகப் பெற்றார். அடுத்து இந்தியன் 3 படத்தில் நடிக்க இருக்கிறார். சித்தார்த் சூர்யநாராயணன் என்கிற இயற்பெயர் கொண்ட சித்தார்த், முக்கியமாக தமிழ், தெலுங்கு மற்றும் ஹிந்தி படங்களில் நடித்து வருகிறார்.
நடிப்பு மட்டுமின்றி, சித்தார்த் ஒரு திரைக்கதை எழுத்தாளர். தயாரிப்பாளர் மற்றும் பின்னணி பாடகர் ஆவார். பல விளம்பரங்களிலும் நடித்துள்ளார். தெலுங்கில் சித்தார்த் நடித்த பொம்மரில்லு, உள்ளிட்ட பல படங்கள் பிளாக் பஸ்டர் ஹிட் அடித்தது. தமிழில் இவர் கடைசியாக தயாரித்து நடித்திருந்த சித்தா திரைப்படம் விமர்சன ரீதியாகவும், வசூல் ரீதியாகவும் மிகப்பெரிய வெற்றி பெற்றது.
அதிதி ராவ் ஹைதரியைப் பொறுத்தவரை... முக்கியமாக ஹிந்தி, தமிழ் மற்றும் தெலுங்கு படங்களில் நடித்து வருகிறார். தியாப்ஜி-ஹைதரி குடும்பத்தில் பிறந்த இவர், மலையாள படமான பிரஜாபதி மூலம் திரையுலகில் அறிமுகமானார். தெலுங்கில், அந்தரிட்சம், சமுத்திரம் போன்ற படங்களில் நடித்துள்ளார். முன்னதாக அதிதி ராவ் ஹைதரி பாலிவுட் நடிகர் சத்யதீப் மிஸ்ரா என்பவரை திருமணம் செய்து கொண்ட நிலையில், அவரிடம் இருந்து விவாகரத்து பெற்ற பின்னர் சித்தரத்தை இரண்டாவது திருமணம் செய்து கொள்ள உள்ளார். சித்தார்த்துக்கு ஏற்கனவே திருமணம் ஆகி விவாகரத்தானது குறிப்பிடத்தக்கது.
14 வயதில் பாடகி... திருமணம் செய்துகொள்ளாமல் 37 வயதில் உயிரிழந்த சுவர்ணலதா பற்றிய அரிய தகவல்கள்!