கவுதம் மேனன் இயக்கத்தில் சிம்பு நடித்துள்ள வெந்து தணிந்தது காடு திரைப்படம் நடிகர் விஜய் நடிப்பில் கடந்த 23 ஆண்டுகளுக்கு முன் வெளிவந்த படத்தின் காப்பி என நெட்டிசன்கள் ட்ரோல் செய்து வருகின்றனர்.
மாநாடு படத்தின் பிரம்மாண்ட வெற்றிக்கு பின்னர் சிம்பு நடிப்பில் வெளியாகி உள்ள படம் வெந்து தணிந்தது காடு. கவுதம் மேனன் இயக்கியுள்ள இப்படத்தில் நடிகர் சிம்பு 20 வயது இளைஞனாக நடித்துள்ளார். இதற்காக 15 கிலோ உடல் எடையை குறைத்து நடித்திருக்கிறார் சிம்பு. இவருக்கு ஜோடியாக இளம் நடிகை சித்தி இத்னானி நடித்துள்ளார். இவர் நடிக்கும் முதல் தமிழ் படம் இதுவாகும்.
ஏ.ஆர்.ரகுமான் இசையமைத்துள்ள இப்படத்துக்கு சித்தார்த் ஒளிப்பதிவு செய்துள்ளார். தமிழகத்தை சேர்ந்த இளைஞன் வேலைக்காக மும்பை சென்று, அங்கு எப்படி டான் ஆகிறார் என்பதே இப்படத்தின் கதைக்கரு. இதில் சிம்புவின் தாயாராக ராதிகா சரத்குமார் நடித்துள்ளார். வழக்கமான கவுதம் மேனன் படம் போல் இல்லாமல் புதுவிதமான படமாக இது அமைந்துள்ளது.
இதையும் படியுங்கள்... 40-லும் குறையாத இளமை..குழந்தையுடன் பிகினி வீடியோக்களை தட்டிவிடும் ஸ்ரேயா
நேற்று திரையரங்குகளில் ரிலீசான இப்படத்திற்கு அமோக வரவேற்பு கிடைத்தது. குறிப்பாக சிம்புவின் நடிப்பு வேறலெவலில் உள்ளதாக அனைவரும் பாராட்டி வருகின்றனர். இப்படத்தின் கதை தற்போது வாழ்ந்து வரும் ஒருவரின் வாழ்க்கையில் நடந்த உண்மை சம்பவம் என எழுத்தாளம் ஜெயமோகன் சமீபத்திய பேட்டியில் கூறி இருந்தார்.
இந்நிலையில், இப்படம் கடந்த 1999-ம் ஆண்டு நடிகர் விஜய் நடிப்பில் வெளியான நெஞ்சினிலே படத்தின் காப்பி என்று நெட்டிசன்கள் விமர்சித்து வருகின்றனர். இரண்டு படங்களின் கதையும் ஒன்று தான் என்று ஒப்பிட்டு டுவிட்டரில் பதிவிட்டு வருகின்றனர். நெஞ்சினிலே படத்தை நடிகர் விஜய்யின் தந்தை எஸ்.ஏ.சந்திரசேகர் தான் இயக்கி இருந்தார். இப்படத்தில் விஜய்க்கு ஜோடியாக இந்தி நடிகை இஷா கோபிகர் நடித்திருந்தார்.
இதையும் படியுங்கள்... புது பிசினஸ் உடன் காதல் மனைவிக்கு ரூ.50 லட்சத்தில் வீடு! வீடியோ வெளியிட்டு ராஜ்கிரணை வெறுப்பேற்றும் முனீஸ்ராஜா