தமிழ் திரையுலகில் தொடர்ந்து பல்வேறு வெற்றிப்படங்களைக் கொடுத்து பாக்ஸ் ஆபிஸ் கிங் ஆக வலம் வரும் நடிகர் விஜய்யின் சொத்து மதிப்புகளைப் பற்றி இந்த தொகுப்பில் பார்க்கலாம்.
இயக்குனர் எஸ்.ஏ.சந்திரசேகரின் மகனான விஜய், சினிமா மீது அதீத ஆர்வம் கொண்டிருந்தார். ஆரம்ப காலத்தில் தந்தையின் அரவணைப்பிலேயே சினிமாவில் பயணித்து வந்த விஜய்க்கு திருப்புமுனையாக அமைந்த படம் பூவே உனக்காக. இதையடுத்து குஷி, பிரண்ட்ஸ், யூத், காதலுக்கு மரியாதை என தொடர்ந்து காதல் நாயகனாக வலம் வந்த விஜய்யை ஆக்ஷன் ஹீரோவாக மாற்றிய படம் என்றால் அது திருமலை.
திருமலை படத்தின் வெற்றிக்கு பின்னர் கில்லி, போக்கிரி, திருப்பாச்சி, சிவகாசி என தொடர்ந்து பிளாக்பஸ்டர் ஹிட் படங்களை கொடுத்த விஜய்யை மாஸ் ஹீரோ அந்தஸ்துக்கு உயர்த்தியது துப்பாக்கி திரைப்படம், அதன்பின் இவர் நடித்த கத்தி, ஜில்லா, சர்கார், மெர்சல், தெறி, பிகில், மாஸ்டர், வாரிசு என தொடர்ந்து பாக்ஸ் ஆபிஸ் ஹிட் படங்களை கொடுத்து மக்கள் மனதில் தளபதியாக இடம்பிடித்து இருக்கிறார்.
விஜய்யின் சினிமா பயணத்தில் அறிமுகம் ஈஸியாக கிடைத்தாலும், அதன்பின் சாதிக்க வேண்டும் என்கிற முனைப்போடு அவர் போட்ட கடின உழைப்பு தான் இன்று அவரை இந்த உயரத்துக்கு கொண்டு வந்துள்ளது. ரியல் லைஃபை பொறுத்தவரை விஜய் கடந்த 1999-ம் ஆண்டு சங்கீதாவை திருமணம் செய்து கொண்டார். இந்த ஜோடிக்கு ஜேசன் சஞ்சய் என்கிற மகனும், திவ்யா சாஷா என்கிற மகளும் உள்ளனர். இருவருமே தற்போது வெளிநாட்டில் படித்து வருகின்றனர்.
எளிமையை அதிகம் விரும்பும் விஜய், கோடிக்கணக்கான சொத்துக்களுக்கு அதிபதியாக இருக்கிறார். அவரின் மொத்த சொத்து மதிப்பு மட்டும் ரூ.445 கோடியாம். ஆண்டுக்கு 120 கோடிக்கு மேல் சம்பாதித்து வருவதாகவும், அவரின் மாத வருவாய் மட்டும் ரூ.10 முதல் 12 கோடிக்கு மேல் இருக்கும் என கூறப்படுகிறது. கடைசியாக விஜய் நடித்து முடித்த வாரிசு படத்துக்காக அவருக்கு ரூ.150 கோடி சம்பளமாக வழங்கப்பட்டதாம்.
இதையும் படியுங்கள்... படம் பார்க்க ஆள் இல்லை... துணிவு படத்தின் ஷோ கேன்சல் - தமிழ்நாட்டில் அஜித் படத்துக்கு இப்படி ஒரு நிலைமையா?
நடிகர் விஜய்க்கு சாலிகிராமம், நீலாங்கரை ஆகிய இரண்டு இடங்களில் பிரம்மாண்ட பங்களா உள்ளது. இதுதவிர சென்னையை சுற்றி இவருக்கு சொந்தமான கல்யாண மண்டபங்களும் நிறைய உள்ளன. இதில் விஜய் நீலாங்கரையில் கட்டியுள்ள ஆடம்பர பங்களா கடற்கரையை ஒட்டி அமைந்துள்ளது. ஒருமுறை அமெரிக்கா சென்றபோது ஹாலிவுட் நடிகர் டாம் குரூஸின் கடற்கரை வீட்டை பார்த்த விஜய்க்கு அந்த வீட்டின் டிசைன் மிகவும் பிடித்துப்போனதாம். அதனை மனதில் வைத்து தான் நீலாங்கரையில் உள்ள வீட்டை கட்டி இருக்கிறாராம் விஜய்.
இதையும் படியுங்கள்... கூடுதல் காட்சிக்கு அனுமதி அளித்த தமிழக அரசு... துணிவை தட்டிவிட்டு தாறுமாறாக அதிகரிக்கப்படும் வாரிசு பட ஷோக்கள்
கார்கள் மீதும் விஜய்க்கு அதீத பிரியம் உண்டு. இதன்காரணமாக அவர் அரை டஜன் கார்களை வாங்கி உள்ளார். அதில் அவருக்கு மிகவும் பிடித்தமான கார் என்றால் அது ரோல்ஸ் ராய்ஸ் கோஸ்ட் கார் தான். இந்த காரை இங்கிலாந்தில் இருந்து இறக்குமதி செய்துள்ளார் விஜய். இந்த கார் வாங்கிய பின் வரி பிரச்சனையிலும் சிக்கினார் விஜய்.
இதுதவிர பி.எம்.டபிள்யூ X5 மற்றும் X6 மாடல் கார்களும், ஆடி A8 L ரக கார், லேண்ட் ரோவர் Evoque, ஃபோர்டு மஸ்டேங், வோல்வோ XC90, மெர்சிடிஸ் பென்ஸ் GLA, டொயோட்டா இன்னோவா என விதவிதமான கார்களை வாங்கி உள்ளார் விஜய். இந்த கார்களின் மதிப்பு பல கோடிகளுக்கு மேல் இருக்கும் என கூறப்படுகிறது.
அதேபோல் விஜய்க்கு சொந்தமாக ஒரு தயாரிப்பு நிறுவனமும் உள்ளது. அந்த நிறுவனத்துக்கு வித்யா விஜய் புரொடக்ஷன்ஸ் என பெயரிட்டுள்ளார் விஜய். மறைந்த அவரது தங்கையின் நினைவாக இந்த தயாரிப்பு நிறுவனத்துக்கு தன்னுடையை பெயருடன் தனது தங்கை பெயரையும் சேர்த்து வைத்துள்ளாராம் விஜய்.
இதையும் படியுங்கள்... தில்ராஜுவால் துணிவுக்கு காத்திருக்கும் மிகப்பெரிய ஆப்பு! அஜித் படத்தை அவர் தெலுங்கில் வெளியிட்டது இதற்கு தானா?