இது நம்ம லிஸ்ட்லயே இல்லையே! லோகேஷ் கனகராஜ் படத்தில் நடிக்க கமிட் ஆன நயன்தாரா - அதுவும் யாருக்கு ஜோடி தெரியுமா?

தமிழ் திரையுலகில் முன்னணி இயக்குனராக வலம் வரும் லோகேஷ் கனகராஜ், அடுத்ததாக எடுக்க உள்ள படத்தில் நடிகை நயன்தாரா ஹீரோயினாக நடிக்க உள்ளாராம்.

நடிகை நயன்தாரா இந்த ஆண்டு தனது நீண்ட நாள் காதலனை திருமணம் செய்துகொண்டார். பொதுவாகவே திருமணத்துக்கு பின்னர் நடிகைகளுக்கு பட வாய்ப்புகள் அதிகளவில் கிடைக்காது. ஆனால் நயன்தாரா அப்படியல்ல. திருமணமான பின்னர் தான் அவர் அதிகளவிலான படங்களில் நடித்து வருகிறார். தற்போது இவர் கைவசம் அரை டஜன் படங்கள் உள்ளன.

அதன்படி பாலிவுட்டில் அட்லீ இயக்கத்தில் உருவாகும் ஜவான் படத்தில் ஷாருக்கானுக்கு ஜோடியாக நடித்து வருகிறார் நயன்தாரா. இதுதவிர மலையாளத்தில் நிவின் பாலிக்கு ஜோடியாக ஒரு படம், தமிழில் துரை செந்தில்குமார் இயக்கத்தில் ஒரு படம் என செம்ம பிசியாக நடித்து வரும் நயன்தாரா தற்போது மேலும் ஒருபடத்தில் நடிக்க கமிட் ஆகி உள்ளாராம்.

இதையும் படியுங்கள்... ஆடம்பரம்.. அலப்பறை இன்றி... சீரியல் நடிகை அனுவுக்கு சிம்பிளாக வளைகாப்பு நடத்திய கணவர் - வைரலாகும் போட்டோஸ்

தமிழ் திரையுலகில் முன்னணி இயக்குனராக வலம் வரும் லோகேஷ் கனகராஜ், விரைவில் பட தயாரிப்பிலும் இறங்க உள்ளார். அவர் தயாரிப்பில் உருவாக உள்ள முதல் படத்தை மேயாத மான், ஆடை, குளுகுளு போன்ற படங்களை இயக்கிய இயக்குனர் ரத்னகுமார் தான் இயக்க உள்ளாராம். இப்படத்தில் தான் நடிகை நயன்தாரா ஹீரோயினாக நடிக்க உள்ளாராம்.

இப்படத்தில் நடிகர் ராகவா லாரன்ஸ் நாயகனாக நடிக்க உள்ளார். இப்படம் மூலம் நயன்தாராவும், ராகவா லாரன்ஸும் முதன்முறையாக இணைந்து பணியாற்ற உள்ளனர். இப்படத்திற்கான ஆரம்பக்கட்ட பணிகள் தற்போது விறுவிறுப்பாக நடைபெற்று வருவதாகவும், விரைவில் இப்படம் குறித்த அதிகாரப்பூர்வ அறிவிப்பு வெளியாகும் என எதிர்பார்க்கப்படுகிறது.

இதையும் படியுங்கள்... கம்பேக் கொடுத்தாரா விஷால்...! ‘லத்தி’ மிரட்டலா? சொதப்பலா? - டுவிட்டர் விமர்சனம் இதோ