Naai sekar Returns: போடுடா வெடி! வடிவேலுவின் 'நாய் சேகர் ரிட்டர்ன்ஸ்' படத்தின் ரிலீஸ் தேதி வெளியானது!

நீண்ட இடைவெளிக்கு பின்னர், நடிகர் வடிவேலு கதாநாயகனாக நடித்துள்ள 'நாய் சேகர் ரிட்டன்ஸ்' படத்தின் ரிலீஸ் தேதியை தற்போது லைகா நிறுவனம் அதிகாரப்பூர்வமாக அறிவித்துள்ளது.  

தமிழ் சினிமாவில், முன்னணி காமெடி நடிகராக வலம் வந்தவர் வைகைப்புயல் வடிவேலு. இவரின் போதாத காலம், நடித்தால் ஹீரோவாக மட்டுமே நடிப்பேன் என கூறியதால்... தமிழ் சினிமாவில் தொடர்ந்து சரிவை சந்திக்க நேர்ந்தது. இதையடுத்து, இயக்குனர் ஷங்கர் தயாரிப்பில் இவர் நடிக்க இருந்த '24 ஆம் புலிகேசி' திரைப்படத்திற்காக பல்வேறு பிரச்சனைகளில் சிக்கினார்.

மிகப்பெரிய பொருட்செலவில் உருவான இந்த படத்திற்கு, பிரமாண்ட அரங்குகள் அமைத்து படப்பிடிப்பை துவங்கிய பின்னர், வடிவேலு சரியாக படப்பிடிப்புக்கு ஒத்துழைப்பு தரவில்லை என ஷங்கர் தரப்பில் இருந்து தயாரிப்பாளர் சங்கத்திற்கு புகார் கொடுக்கப்பட்டதால், நடிகர் வடிவேலுக்கு ரெட் கார்டு  வழங்கப்பட்டது. இதனால் பல படங்களில் நடிக்கும் வாய்ப்பை இழந்தார்.

பல வருட போராட்டத்திற்கு பின்னர், சமீபத்தில் இவருக்கு போடப்பட்ட ரெட் கார்டு நீக்கப்பட்டதை தொடர்ந்து, சில படங்களில் காமெடி கதாபாத்திரத்திலும், தலைநகரம் பட இயக்குனர் சுராஜ் இயக்கத்தில் 'நாய் சேகர் ரிட்டர்ன்ஸ்' என்ற படத்தில் கதாநாயகனாகவும் நடித்து வருகிறார். இவருடன் இணைந்து இந்த படத்தில் பிக்பாஸ் பிரபலமான ஷிவானி, குக் வித் கோமாளி சிவாங்கி, உள்ளிட்ட பலர் முக்கிய கதாபாத்திரத்தில் நடித்து வருகிறார்கள்.

லைகா நிறுவனம் பிரமாண்டமாக தயாரித்துள்ள இந்த படத்திற்கு, இசையமைப்பாளர் சந்தோஷ் நாராயணன் இசையமைத்துள்ளார். முழுக்க முழுக்க காமெடி கதையாம்சம் கொண்ட இந்த படத்தில் இருந்து சமீபத்தில் அப்பத்தா என்கிற முதல் சிங்கிள் பாடல் வெளியாகி நல்ல வரவேற்பை பெற்ற நிலையில், விரைவில் இந்த திரைப்படத்தின் ரிலீஸ் தேதி அறிவிக்கப்படும் என படக்குழு தெரிவித்திருந்தது.

இதை தொடர்ந்து சற்று முன்னர், இந்த திரைப்படம் டிசம்பர் 9ஆம் தேதி உலகம் முழுவதும் ரிலீஸ் ஆகும் என அதிகாரபூர்வமாக அறிவிக்கப்பட்டுள்ளது. இந்த தகவல் சுமார்  10 வருடங்களாக வடிவேலுவின் புதிய காமெடி காட்சிகளை பார்த்து ரசிக்காமல் இருக்கும் அவருடைய ரசிகர்களுக்கு மிக பெரிய விருந்தாக இருக்கும் என்பதில் எந்த சந்தேகமும் இல்லை.