ரஜினி கமலுக்கே டஃப் கொடுத்த ஹீரோ... நடிகை சொன்ன பொய்யால் ஜீரோ ஆன கதை தெரியுமா?

தமிழ் சினிமாவில் ரஜினிகாந்த், கமல்ஹாசனுக்கு நிகராக 1980களில் கோலோச்சிய நடிகர் ஒருவர், தொட்டதெல்லாம் ஹிட்டாக அமைந்தது. அவரின் திரைப்பயணம் பற்றி இந்த தொகுப்பில் பார்க்கலாம்.

Mike Mohan The Forgotten Tamil Superstar

80களின் தமிழ் சினிமா என்பது வெறும் இரண்டு பெயர்களால் மட்டுமே ஆளப்படவில்லை. ரஜினி, கமல் என்ற இரு மாமலைகளுக்கு நடுவே நின்று சமநிலையாக போட்டியிட்ட ஒரு தனித்துவமான திரை ஆளுமை இருந்தார். அவரே நடிகர் மோகன். அவரைப்பற்றி இந்த தொகுப்பில் விரிவாக பார்க்கலாம்.

சினிமா பின்னணியே இல்லாமல் சாதித்தவர்

எந்தவொரு திரை குடும்பப் பின்னணியும் இல்லாமல், தன் திறமை மட்டுமே மூலதனமாக வைத்து 1982இல் "பயணங்கள் முடிவதில்லை" மூலம் தமிழ் திரையுலகில் காலடி எடுத்து வைத்தார் மோகன். அந்த ஒரே படம் அவரை ஒரே தாவலில் முன்னணி நடிகர் வரிசையில் நிறுத்தியது. அடுத்தடுத்து வந்த படங்கள் ஒவ்வொன்றும் வெற்றிக் கொடி நாட்டின. வித்தியாசமான கதைகள், காதில் விழுந்து நெஞ்சில் தங்கும் பாடல்கள், இயல்பான நடிப்பு என்று அவரது படங்கள் ஒரு தனி முத்திரை பதித்தன.

கொண்டாடப்பட்ட மைக் மோகன்

"மைக் மோகன்" என்ற பட்டப்பெயரோடு ரசிகர்கள் அவரை தங்கள் தலையில் தூக்கி வைத்து கொண்டாடினார்கள். நாள் ஒன்றுக்கு கிட்டத்தட்ட 18 மணி நேரம் நடிக்கும் அளவுக்கு செம பிசியாக இருந்த அவர், தமிழ் மட்டுமல்ல தெலுங்கு, கன்னடம், மலையாளம் என நான்கு மொழிகளிலும் தன் இடத்தை உறுதி செய்தார். தயாரிப்பாளர்களுக்கு மோகன் என்பது நம்பகமான முதலீடாக இருந்தது.

நடிகையால் வீழ்ந்த ஹீரோ

புகழின் உச்சியில் மோகன் இருந்தபோது, அவர் வாழ்க்கையில் ஒரு சூறாவளி வீசியது. அவரோடு நடித்த ஒரு நடிகை அவர் மீது காதல் கொண்டு, தன் ஃபீலிங்ஸை அவரிடம் வெளிப்படுத்தினார். அதற்கு மோகன் இணங்காததால் அவர் பழிவாங்கி இருக்கிறார். அவருக்கு எய்ட்ஸ் நோய் இருப்பதாக பொய்யான ஒரு தகவல் பரப்பப்பட்டது. சமூக வலைத்தளங்கள் இல்லாத அந்தக் காலத்திலும், அச்சு ஊடகங்களே உண்மையின் சான்றாக கருதப்பட்ட அக்காலத்தில் அந்த வதந்தி தீயைப் போல் பரவியது.

மோகனின் வீழ்ச்சி

அதன் பின்னர் நிலைமை வேகமாக மாறியது. சக நடிகைகள் விலகினார்கள், இயக்குனர்கள் தயங்கினார்கள், தயாரிப்பாளர்கள் கதவை மூடினார்கள். வீட்டு அண்டை வீட்டினர் கூட அவரிடம் இருந்து விலகினார்கள் என்பது அவர் படும் வேதனையின் ஆழத்தை காட்டுகிறது.

ஆனால் காலம் உண்மையின் பக்கம் நின்றது. இன்று 69 வயதில் மோகன் ஆரோக்கியமாக வாழ்கிறார். அன்று பரப்பப்பட்ட ஒவ்வொரு பொய்யும் இன்று பொய் என்று நிரூபிக்கப்பட்டுவிட்டது. ஒரு பெண்ணின் நிராகரிக்கப்பட்ட ஆணவம் எப்படி ஒரு திறமையான கலைஞனின் வாழ்க்கையை சிதைத்தது என்பதற்கு நடிகர் மோகனின் கதை ஒரு சோகமான சாட்சி.