Maamannan : மாமன்னன் படத்தின் படப்பிடிப்பு விறுவிறுப்பாக நடைபெற்று வரும் நிலையில், அப்படத்தின் கதை குறித்தும், கதாபாத்திரங்கள் குறித்தும் முக்கிய தகவல் ஒன்று கசிந்துள்ளது.
பா.இரஞ்சித் தயாரிப்பில் வெளியான பரியேறும் பெருமாள் படம் மூலம் இயக்குனராக அறிமுகமானவர் மாரி செல்வராஜ். முதல் படத்திலேயே வெற்றிவாகை சூடிய இவர் அடுத்ததாக தனுஷுடன் கூட்டணி அமைத்து கர்ணன் படத்தை இயக்கினார். கடந்த ஆண்டு வெளியான இப்படம் விமர்சன ரீதியாக வரவேற்பை பெற்றதோடு பாக்ஸ் ஆபிஸிலும் நல்ல வசூல் பார்த்தது.
இதையும் படியுங்கள்... படத்தில் மட்டும் தான் பாச மழையா? அப்பா - அம்மா மணிவிழாவில் கலந்து கொள்ளாத விஜய்! மனதை பாரமாக்கிய போட்டோஸ்!
இதையடுத்து உதயநிதி உடன் கூட்டணி அமைத்தார் மாரி செல்வராஜ். இவர்கள் கூட்டணியில் தற்போது மாமன்னன் திரைப்படம் தயாராகி வருகிறது. இப்படத்தில் நடிகர் உதயநிதி ஸ்டாலினுக்கு ஜோடியாக கீர்த்தி சுரேஷ் நடித்து வருகிறார். மேலும் இப்படத்தில் வில்லனாக பகத் பாசிலும், முக்கிய கதாபாத்திரத்தில் வடிவேலுவும் நடித்து வருகின்றனர்.
இதையும் படியுங்கள்... பணத்துக்கு ஆசைப்பட்டு என் புருஷனை பிரித்துவிட்டார்- நடிகை பவித்ரா லோகேஷ் மீது நரேஷின் 3-வது மனைவி பகீர் புகார்
மாமன்னன் படத்தை உதயநிதியின் ரெட் ஜெயண்ட் மூவிஸ் நிறுவனம் தயாரிக்கிறது. இப்படத்திற்கு இசைப்புயல் ஏ.ஆர்.ரகுமான் இசையமைக்கிறார். இப்படத்தின் படப்பிடிப்பு விறுவிறுப்பாக நடைபெற்று வருகிறது. இந்நிலையில், மாமன்னன் படத்தின் கதை குறித்தும், கதாபாத்திரங்கள் குறித்தும் முக்கிய தகவல் ஒன்று கசிந்துள்ளது.
இதையும் படியுங்கள்... அவர் வில்லன்னா அப்போ நான் எதுக்கு... விஜய் சேதுபதி வருகையால் புஷ்பா 2-வில் இருந்து விலகினாரா பகத் பாசில்?
அதன்படி இப்படத்தில் மாமன்னனாக உதயநிதி நடிக்கவில்லையாம். அது வடிவேலுவின் கதாபாத்திரம் என்றும், அவருக்கு மகனாகத்தான உதயநிதி நடித்து வருவதாகவும் கூறப்படுகிறது. வடிவேலுவுக்கு எதிரியாக அழகம்பெருமாள் நடித்து வருவதாகவும், அவரின் வாரிசாக பகத் பாசில் நடிப்பதாகவும் சொல்லப்படுகிறது. வித்தியாசமான அரசியல் கதைக்களத்துடன் இப்படத்தை மாரி செல்வராஜ் படமாக்கி வருகிறாராம். இப்படத்தில் கதையின் நாயகனாக வடிவேலு நடிக்கிறார் யாரும் எதிர்பார்க்காத ஒரு விஷயம் தான்.
சேனலை கிளிக் செய்து பின்தொடரவும்