Legend saravanan : தமிழ்நாட்டில் பிரபல தொழிலதிபராக வலம் வரும் லெஜண்ட் சரவணன், தற்போது லெஜண்ட் படம் மூலம் ஹீரோவாக அவதாரம் எடுத்துள்ளார்.
லெஜண்ட் சரவணன் ஹீரோவாக அறிமுகமாகும் படம் தி லெஜண்ட். இப்படத்தில் அவருக்கு ஜோடியாக பாலிவுட் கவர்ச்சி நடிகை ஊர்வசி ரவ்துலா நடித்துள்ளார். லெஜண்ட் படத்தை ஜேடி மற்றும் ஜெர்ரி ஆகியோர் இணைந்து இயக்கி உள்ளனர். ஹாரிஸ் ஜெயராஜ் இசையமைத்துள்ள இப்படத்திற்கு அசுரன் பட ஒளிப்பதிவாளர் வேல்ராஜ் ஒளிப்பதிவு செய்துள்ளார்.
லெஜண்ட் திரைப்படம் நாளை, ஜூலை 28-ந் தேதி தமிழ், தெலுங்கு, இந்தி, மலையாளம், கன்னடம் ஆகிய 5 மொழிகளில் பேன் இந்தியா படமாக ரிலீசாக உள்ளது. இப்படத்தின் வெளியீட்டு உரிமையை கோபுரம் பிலிம்ஸ் அன்புச்செழியன் வாங்கி உள்ளார். இப்படத்தை உலகளவில் 2500-க்கும் மேற்பட்ட திரையரங்குகளில் வெளியிட திட்டமிட்டு உள்ளனர்.
இதையும் படியுங்கள்... திருச்சியில் துப்பாக்கி சுடும் போட்டியில் கலந்து கொண்ட அஜித்!
அஜித், விஜய், ரஜினி போன்ற முன்னணி நடிகர்களுக்கு இணையாக இப்படத்தை வெளியிட திட்டமிட்டுள்ள லெஜண்ட் சரவணன் இப்படத்திற்காக அதிகாலை 4 மணி காட்சியையும் திரையிட ஏற்பாடு செய்துள்ளார். அதுமட்டுமின்றி இது பேன் இந்தியா படமாக வெளியாக உள்ளதால், ஆந்திரா, கேரளா, டெல்லி போன்ற பல்வேறு மாநிலங்களுக்கு சென்று பிரஸ் மீட்டிலும் பங்கேற்று வருகிறார் சரவணன்.
அதன்படி நேற்று கேரளாவில் நடைபெற்ற பிரஸ் மீட்டில் பங்கேற்றார். அப்போது அவரிடம் அடுத்த படத்தில் சூப்பர் ஹீரோவாக நடிப்பீர்களா என கேள்வி கேட்கப்பட்டது. இதற்கு பதிலளித்த சரவணன், கண்டிப்பாக அடுத்த படத்தில் சூப்பர் ஹீரோவுக்கான விஷயங்கள் இருக்கும் என்றும் அப்படத்தை சர்வதேச அளவில் எடுக்க உள்ளதாகவும் தெரிவித்துள்ளார். ஆனால் அடுத்த படத்தை இயக்கப்போவது யார் என்பது குறித்த விவரங்களை அவர் வெளியிடவில்லை.
இதையும் படியுங்கள்... ‘வாத்தி’ கம்மிங் ஒத்தே... பர்ஸ்ட் லுக் போஸ்டரை வெளியிட்டு பிறந்தநாள் கொண்டாட்டங்களை ஆரம்பித்து வைத்த தனுஷ்
சேனலை கிளிக் செய்து பின்தொடரவும்