Aditi Shankar : பிரபல இயக்குனர் சங்கரின் மகள் தான் பிரபல நடிகை அதிதி சங்கர். கோலிவுட்டில் சிறந்த நாயகியாக பயணித்து வருகின்றார்.
தமிழ் திரையுலகில் நல்ல பல திரைப்படங்களை இயக்கி புகழ்பெற்றவர் தான் இயக்குனர் சங்கர். தனது பிரம்மாண்டமான படைப்புகளால் தமிழ் சினிமா ரசிகர்கள் மத்தியில் மிகப்பெரிய வரவேற்பை பெற்ற சங்கரின் இளைய மகள் தான் அதிதி சங்கர். தனது தந்தையின் பல திரைப்படங்களில் உதவி இயக்குனராகவும், டெக்னிக்கல் அசிஸ்டன்டாகவும் அவர் பணியாற்றி வந்ததாகவும் கூறப்படுகிறது. அதன் பிறகு தான் திரையுலகில் கடந்த 2022ம் ஆண்டு நடிகையாக களம் இறங்கினார் அதிதி சங்கர்.
தளபதியின் த.வெ.க மாநாடு.. சிறார்களுக்கு கண்டிப்பாக அனுமதி இல்லை - வெளியான லேட்டஸ்ட் தகவல்!
திரைத்துறையில் அவர் அறிமுகமாவதற்கு சில மாதங்களுக்கு முன்பு தான், "மீசைய முறுக்கு" திரைப்படத்தின் மூலம் பிரபலமான நடிகை ஆத்மிகா ஒரு மிகப்பெரிய புயலை கிளப்பினார். "தமிழகத்தில் நெப்போல்டிசம் என்று ஒன்று இருக்கிறது, அதற்கு வாரிசு நடிகைகள் பலரும் ஒரு எடுத்துக்காட்டு. காரணம் எந்தவித கஷ்டமும் இல்லாமல் தனது தந்தையின் உதவியால் அவர்கள் நாயகியாக மாறிவிடுகின்றனர். இவர்களால் பிறருக்கு பெரிய அளவில் வாய்ப்புகள் கிடைப்பதில்லை" என்று மறைமுகமாக அதிதியை தாக்கி பேசியிருந்தார்.
அப்போது ஆத்மீகாவின் இந்த பேச்சுக்கு, அதிதியும் மறைமுகமாக அவரை தாக்கி பேசியதும் குறிப்பிடத்தக்கது.
கடந்த 2022ம் ஆண்டு வெளியான பிரபல நடிகர் கார்த்தியின் "விருமன்" திரைப்படத்தின் மூலம் நடிகையாக அறிமுகமான அதிதி சங்கர், அந்த திரைப்படத்தில் நடித்ததற்காக "சைமா" வழங்கும் சிறந்த அறிமுக நடிகைக்கான விருதை கடந்த 2022ம் ஆண்டு வென்றது குறிப்பிடத்தக்கது. தொடர்ச்சியாக 2023ம் ஆண்டு பிரபல நடிகர் சிவகார்த்திகேயன் நடிப்பில் உருவான "மாவீரன்" என்கின்ற திரைப்படத்திலும் அவர் நடித்திருந்தார். தற்பொழுது "நேசிப்பாயா" என்ற திரைப்படத்திலும், அர்ஜுன் தாஸின் ஒரு திரைப்படத்திலும் அவர் நடித்து வருகிறார்.
ஏற்கனவே சில பாடல்களை திரையில் பாடி அசத்தியுள்ள அதிதி, இந்தியன் 2 திரைப்பட இசை வெளியீட்டு விழாவில் "அந்நியன்" திரைப்படத்திலிருந்து ஒரு பாடலை பாடியிருந்தார். அப்போது ஸ்ருதியை ஒப்பிட்டு, அதிதி சங்கரை மிகப் பெரிய அளவில் பலரும் ட்ரோல் செய்தனர். தொடர்ச்சியாக அவர் எந்த ஒரு சிறு விஷயங்கள் செய்தாலும் அது பெரிய அளவில் ட்ரோல் மெட்டீரியலாக மாறியது. இப்படி அவருடைய நடிப்பு, நடனம், பாடல் என்று தொடர்ச்சியாக அவர் கிண்டல் செய்யப்பட்டு வந்த நிலையில், அவர் இப்போது தெலுங்கு திரையுலகத்திற்கு தனது பயணத்தை மாற்ற உள்ளதாக சில தகவல்கள் வெளியாகி வருகிறது.
தெலுங்கு திரையுலகில் பிரபலமான இயக்குனரான விஜய் கனகமெடலா என்பவருடைய இயக்கத்தில் உருவாகும் புதிய திரைப்படத்தில் அவர் நடிக்க உள்ளதாக கூறப்படுகிறது. ஆனால் இது குறித்த அதிகாரப்பூர்வ தகவல்கள் இன்னும் வெளியாகவில்லை.
தளபதி விஜய் நடித்த இந்த ஹிட் படங்கள் எல்லாம் ரீமேக் படங்களா?