அருண் பாண்டியனின் மூத்த மகளான கவிதா பாண்டியன் பிறந்தநாளுக்கு, குடும்பத்தினர் அனைவரும் அவருக்கு இன்ப அதிர்ச்சி கொடுத்த புகைப்படங்கள் சமூக வலைதளத்தில் வைரலாகி வருகிறது.
90களில், தமிழ் சினிமாவில் முன்னணி ஆக்சன் நாயகனாக நடித்து பிரபலமானவர் அருண் பாண்டியன். பின்னர் தயாரிப்பாளராகவும் களமிறங்கி பல வெற்றி படங்களை தயாரித்தார். இவருடைய மூத்த மகள் கவிதா பாண்டியன், ஆகஸ்ட் மூன்றாம் தேதி தன்னுடைய பிறந்த நாளை கொண்டாடிய நிலையில்... அவருக்கு ஒட்டு மொத்த குடும்பத்தினரும் ஸ்டார் ஹோட்டலில் ட்ரீட் வைத்து இன்ப அதிர்ச்சி கொடுத்த புகைப்படங்களை கவிதா பாண்டியன் வெளியிட, ரசிகர்கள் தங்களின் வாழ்த்துக்களை தெரிவித்து வருகின்றனர்.
அருண் பாண்டியன் திருநெல்வேலியைச் சேர்ந்தவர். விவசாய குடும்பத்தைச் சேர்ந்த இவர், ஒரு நடிகராக, தயாரிப்பாளராக, முன்னணியிடத்தை பிடித்த போதிலும் சொந்த ஊரில் தொடர்ந்து விவசாயம் செய்து வருவதை பெருமையாக கருதுகிறார். மேலும் மிகப்பெரிய பண்ணை வீடு ஒன்றும் இவருக்கு சொந்தமாக திருநெல்வேலி யில் உள்ளது.
அண்ணா சீரியலில் இருந்து ஒரே நேரத்தில் இரண்டு முக்கிய பிரபலங்கள் வெளியேறுகிறார்களா?
அங்குதான் தன்னுடைய மகள் கீர்த்தி பாண்டியனின் திருமணத்தை மிக பிரம்மாண்டமாக நடத்தினார். திருநெல்வேலியில் இந்த திருமணம் நடைபெற்றதால், குறிப்பிட்ட பிரபலங்கள் மற்றும் உறவினர்களே கலந்து கொண்டனர். ஆனால் சென்னையில் நடந்த ரிசப்ஷனில் ஏராளமானோர் கலந்து கொண்டு கீர்த்தி - அசோக் செல்வன் இளம் ஜோடியை வாழ்த்தினர்.
கீர்த்தி பாண்டியன் ஒரு நடிகையாக இருக்கும் நிலையில், கீர்த்தியின் அக்கா அதாவது கவிதா பாண்டியன் தன்னுடைய அப்பாவுடன் சேர்ந்து ஏபி குரூப்ஸ் நிறுவனத்தின் மூலம் பல படங்களை இந்தியா மற்றும் சிங்கப்பூர், மலேசியா, ஸ்ரீலங்கா, போன்ற நாடுகளுக்கு விநியோகம் செய்து வருகிறார்.
40 வயதை கடந்தும் செம்ம யங்காக இருக்கும் கவிதா பாண்டியனுக்கு, 13 வயதில் மகள் ஒருவரும் உள்ளார். இந்நிலையில் கவிதா பாண்டியன் பிறந்தநாள் ஆகஸ்ட் 3ஆம் தேதி கொண்டாடப்பட்டது. அப்போது கவிதா பாண்டியனின் கணவர், மகள், தந்தை, தாய், தங்கை கீர்த்தி பாண்டியன், மற்றும் அசோக் செல்வன் ஆகியோர் கவிதாவுக்கே தெரியாமல் ஒரு இன்ப அதிர்ச்சி கொடுத்துள்ளனர். இது குறித்த புகைப்படங்களை கவிதா பாண்டியன் சமூக வலைத்தளத்தில் வெளியிட்டு, தன்னுடைய மற்றொரு சகோதரியான கிரண் பாண்டியனை மிஸ் செய்வதாக கூறியுள்ளார். மேலும் ரசிகர்களும் இவருக்கு தொடர்ந்து தங்களின் வாழ்த்துக்களை தெரிவித்து வருகின்றனர்.
சேனலை கிளிக் செய்து பின்தொடரவும்