இன்னும் ஷூட்டிங்கே முடியல; அதற்குள் நெக்ஸ்ட் லெவலுக்கு சென்ற கார்த்தியின் ‘சர்தார் 2’

பி.எஸ்.மித்ரன் இயக்கத்தில் கார்த்தி நாயகனாக நடித்து வரும் சர்தார் 2 படத்தின் ஷூட்டிங் முடியும் முன்னரே அதன் அடுத்தக்கட்ட பணிகள் தொடங்கி உள்ளன.

Sardaar 2 dubbing update: What is the shooting status? : பி.எஸ்.மித்ரன் இயக்கத்தில் கார்த்தி, மாளவிகா மோகனன் நடிப்பில் பிரம்மாண்டமாக உருவாகி வரும் திரைப்படம் சர்தார் 2. இப்படத்தின் மாஸ் அப்டேட் ஒன்று வெளியாகி உள்ளது.

சர்தார் திரைப்படம் கடந்த 2022-ம் ஆண்டு தீபாவளிக்கு ரிலீஸ் ஆகி ரூ.100 கோடிக்கு மேல் வசூலித்து மாஸ் ஹிட் அடித்தது. அப்படத்தின் அதிரி புதிரியான வெற்றியை தொடர்ந்து அதன் இரண்டாம் பாகத்தை அறிவித்த படக்குழு கடந்த சில மாதங்களாக அப்படத்தின் ஷூட்டிங்கை நடத்தி வருகிறது. சர்தார் முதல் பாகத்தை தயாரித்த பிரின்ஸ் பிக்சர்ஸ் நிறுவனம் தான் இப்படத்தையும் தயாரிக்கிறது. இப்படத்தில் ரெஜிஷா விஜயன், மாளவிகா மோகனன், ஆஷிகா ரங்கநாத் ஆகியோர் நாயகிகளாக நடிக்கின்றனர்.

Sardar 2 Update

சர்தார் 2 படத்தில் எஸ்.ஜே.சூர்யா வில்லனாக நடிக்கிறார். இப்படத்தின் படப்பிடிப்பு இறுதிக்கட்டத்தை எட்டியுள்ள நிலையில், அண்மையில் ஷூட்டிங்கின் போது நடிகர் கார்த்திக்கு காலில் காயம் ஏற்பட்டது. இதனால் படப்பிடிப்பை நிறுத்தி வைத்துள்ளனர். கார்த்தியின் காலில் காயம் சரியாகும் வரை ஷூட்டிங் நடைபெறாது என கூறப்படுகிறது. இந்த நேரத்தை வேஸ்ட் பண்ண விரும்பாத படக்குழு தற்போது அடுத்தக்கட்ட பணிகளை தொடங்கி உள்ளது.

இதையும் படியுங்கள்... Karthi : விபத்தில் சிக்கிய நடிகர் கார்த்தி - என்ன ஆச்சு? படப்பிடிப்பை ரத்து செய்த படக்குழு!

Sardar 2 Dubbing

அதன்படி சர்தார் 2 படத்தின் டப்பிங் பணிகளை தொடங்கி இருக்கிறார்கள். நடிகர் கார்த்தி, இயக்குனர் பி.எஸ்.மித்ரன் ஆகியோர் இதில் கலந்துகொண்டுள்ளனர். நேற்று பூஜையுடன் சர்தார் 2 டப்பிங் பணிகளை தொடங்கி உள்ள படக்குழு, முதலில் நடிகர் கார்த்தி நடித்த காட்சிகளுக்கான டப்பிங்கை முடித்து வருகின்றனர். இதையடுத்து விரைவில் கார்த்தியின் காலில் காயம் சரியாகி அவர் குணமடைந்த உடன் மீண்டும் படப்பிடிப்பை தொடங்க திட்டமிட்டுள்ளனர்.

Sardar 2 Karthi

சர்தார் 2 படத்தின் எஞ்சியுள்ள காட்சிகளை மைசூர் உள்பட சில வெளி மாநிலங்களில் படமாக்க திட்டமிட்டு உள்ளனர். சர்தார் 2 படத்திற்கு யுவன் சங்கர் ராஜா இசையமைக்கிறார். இப்படத்தை இந்த ஆண்டு இறுதிக்குள் ரிலீஸ் செய்யும் முடிவில் படக்குழு உள்ளது. அநேகமாக இந்த வருடம் தீபாவளி பண்டிகைக்கு சர்தார் 2 திரைப்படம் திரைக்கு வர அதிக வாய்ப்புகள் உள்ளதாக கூறப்படுகிறது. முதல் பாகத்தை போல் இந்த படமும் மாஸ் ஹிட் அடிக்கும் என எதிர்பார்க்கப்படுகிறது.

இதையும் படியுங்கள்... கோலிவுட்டில் நிரம்பி வழியும் பார்ட் 2 படங்கள்- அடேங்கப்பா இத்தனையா?