சமீபத்தில் தான் தன்னுடைய 68 ஆவது பிறந்த நாளை கொண்டாடிய நடிகர் கமல்ஹாசன், வேற லெவல் போட்டோ ஷூட் செய்து ரசிகர்களின் கவனத்தை ஈர்த்துள்ளார்.
உண்மையில் கமல்ஹாசனுக்கு 68 வயது என சொன்னால் யாரும் நம்ப மாட்டார்கள். அந்த அளவிற்கு, தன்னுடைய உடலையும்... மனதையும் இளமையாக வைத்துள்ளார். சமீபத்தில் இவர் தீபாவளி பண்டிகையின் போது, 'தேவர் மகன்' கெட்டப்பில் எடுத்து கொண்ட போட்டோ ஷூட் மிகவும் வைரலான நிலையில், இப்போது அதையும் மிஞ்சும் அளவிற்கு சில போட்டோ ஷூட் புகைப்படங்கள் வைரலாகி வருகிறது.
ஆண்டவர் 3 அழகிகளுடன்... ஜாலியாக சிரித்தபடி அட்ராசிட்டி செய்த புகைப்படங்கள் தான் தற்போது வெளியாகியுள்ளது. இதில் தாடி, மீசையோடு செம்ம ஸ்டைலிஷாக கூலிங் கிளாஸ் மற்றும் கோட்டு சூட்டில் கலக்குகிறார்.
மாடல்கள் மீது சாய்ந்தபடி, இவர் கொடுத்துள்ள போஸை பார்த்தால்... அவர் இன்றும்... இளமை இதோ... இதோ... பாடல்கள் வெளிவந்த அதே காலத்தில் தான் இருக்கிறார் என்பது நன்றாக தெரிகிறது. இவரின் இந்த லேட்டஸ்ட் புகைப்படங்களுக்கு ரசிகர்கள் லைக்குகளை குவித்து வருவதோடு... உங்களுக்கு 68 வயது என கூறினால் யாரும் நம்ப மாட்டார்கள் என தெரிவித்து வருகிறார்கள்.
கடைசியாக ஆண்டவர் நடித்து வெளியான 'விக்ரம்' படம் சூப்பர் டூப்பர் ஹிட் அடித்த நிலையில், ஒரு பக்கம் இந்தியன் 2 படத்தில் பிசியாக நடித்து வந்தாலும், மற்றொரு புறம்... இயக்குனர் மணிரத்னம் இயக்கத்தில் நடிக்க உள்ள படத்திற்கு தயாராகி விட்டார். இவரது பிறந்தநாளை முன்னிட்டு இந்த தகவல் வெளியான நிலையில், விரைவில் இந்த படம் குறித்த மற்ற தகவல்களும் வெளியாகும் என எதிர்பார்க்கப்படுகிறது.