முதல் 25 படங்களின் பட்டியலில், "கடைசி விவசாயி" அதிக ரேட்டிங் பெற்ற இந்திய திரைப்படமாக குறிப்பிடப்பட்டுள்ளது. "ஆர்ஆர்ஆர்" ஆறாவது திரைப்படமாகவும், கமல்ஹாசன் நடித்த "விக்ரம்" பதினொன்றாவது இடத்திலும் உள்ளது.
வயதான விவசாயியின் உணர்ச்சியாக வெளியான படம் கடைசி விவசாயி. எம். மணிகண்டன் எழுதி, இயக்கிய இந்த படத்தில் நல்லாண்டி, விஜய் சேதுபதி மற்றும் யோகி பாபு ஆகியோர் நடித்துள்ளனர் . ஈரோஸ் இன்டர்நேஷனல் தயாரிப்பில் கடந்த பிப்ரவரி 11 அன்று வெளியானது. இதில் எண்பத்தைந்து வயது விவசாயியாக நடித்த நல்லாண்டியின் நடிப்பு வெகுவாக பாராட்டப்பட்டது.
25
Kadaisi Vivasayi
கடந்த 2016 இல் படம் குறித்த அறிவிப்பு வெளியான போதிலும் படப்பிடிப்பு பல ஆண்டுகள் தாமதமானது. முன்னதாக இதில் நடிக்க சூப்பர் ஸ்டார் ரஜினிகாந்திடம் பேசப்பட்ட்தாகவும், வயாதான் தோற்றத்தில் நடிக்க அவர் மறுத்ததை அடுத்து கடந்த 2018 ஆம் ஆண்டில், இயக்குனர் விஜய் சேதுபதியை முக்கிய வேடத்தில் நடிப்பதாக அறிவிக்கப்பட்டது. விஜய் சேதுபதியின் ஆண்டவன் கட்டளை படத்தை மணிகண்டன் இயக்கி இருந்தார் என்பது குறிப்பிடத்தக்கது.
இன்னும் நலிவு நிலையிலிருந்து மீளாத விவசாயின் கவலையும் விவசாயத்தின் முக்கியத்துவத்தையும் எடுத்து சொன்ன இந்த படம் பலரது பாராட்டுக்களை பெற்றது. இதில் வரும் வசனங்களை மனதை உருக்கும் வண்ணம் இருந்தன. வழக்கமான ரொமாண்டிக் பீஜியம், அதிரடி இல்லாமல் போனதாலோ என்னமோ மக்களிடம் அதிக வரவேற்பை இந்த படம் பெறவில்லை.
விஜய் சேதுபதியை கேமியோவில் தோன்றிய இந்த படத்தில் முதலில் இளையராஜாவின் இசை என அறிவிக்கப்பட்டது. பின்னர் இளையராஜாவுக்கு பதிலாக சந்தோஷ் நாராயணன் இசையமைப்பாளராக நியமிக்கப்பட்டார். இதனால் கடுப்பான இசைஞானி இயக்குனர் மணிகண்டன் மீது இசையமைப்பாளர் சங்கத்தில் புகார் கொடுத்திருந்தார்.
இவ்வாறு பல இன்னல்களுக்கு இடையில் வெளியான இந்த படம் வெளியீட்டிற்கு பிறகு பேராதரவை சமூக ஊடகங்கள் மூலம் பெற்று வருகிறது. அந்தவகையில் லெட்டர்பாக்ஸ் நிறுவனம் வெளியிட்ட அறிக்கையின் படி, உலகளவில் சிறந்த தரமதிப்பீடு பெற்ற முதல் 25 படங்களின் பட்டியலில், "கடைசி விவசாயி" அதிக ரேட்டிங் பெற்ற இந்திய திரைப்படமாக குறிப்பிடப்பட்டுள்ளது. "ஆர்ஆர்ஆர்" ஆறாவது திரைப்படமாகவும், கமல்ஹாசன் நடித்த "விக்ரம்" பதினொன்றாவது இடத்திலும் உள்ளது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
