பிரதீப் ரங்கநாதனுக்கு ஜோடியாக நடிக்க பாலிவுட் ஹீரோயினை களமிறக்கிய விக்னேஷ் சிவன் - இது நம்ம லிஸ்ட்லயே இல்லையே!

விக்னேஷ் சிவன் இயக்கத்தில் உருவாக உள்ள புதிய படத்தில் பிரதீப் ரங்கநாதனுக்கு ஜோடியாக பாலிவுட் நடிகை நடிக்க உள்ளதாக தகவல் வெளியாகி உள்ளது.

Pradeep Ranganathan, Vignesh shivan

அஜித்தின் ஏகே 62 படத்தை இயக்கும் வாய்ப்பை இழந்த விக்னேஷ் சிவன், அடுத்ததாக லவ் டுடே படத்தின் நாயகன் பிரதீப் ரங்கநாதனை ஹீரோவாக வைத்து புதிய படம் ஒன்றை இயக்க உள்ளார். இப்படத்திற்கான ஆரம்பக்கட்ட பணிகள் தற்போது முழுவீச்சில் நடைபெற்று வருகிறது. இப்படத்தை நடிகர் கமல்ஹாசனின் ராஜ்கமல் நிறுவனம் தான் தயாரிக்க உள்ளது. விரைவில் இப்படம் குறித்த அறிவிப்பையும் வெளியிட திட்டமிட்டு உள்ளனர்.

Vignesh shivan, Kamalhaasan

விக்னேஷ் சிவன் இயக்கத்தில் சிவகார்த்திகேயன் நடிப்பதாக இருந்து கைவிடப்பட்ட எல்.ஐசி என்கிற திரைப்படத்தை தான் தற்போது பிரதீப் ரங்கநாதனை வைத்து விக்கி எடுக்க உள்ளதாக கூறப்படுகிறது. இது ஒரு செயலியை மையமாக வைத்து உருவாக உள்ள திரைப்படம் என்றும், இப்படத்தை சுமார் ரூ.50 கோடி பட்ஜெட்டில் பிரம்மாண்டமாக தயாரிக்க கமல்ஹாசன் திட்டமிட்டுள்ளதாகவும் கூறப்படுகிறது.

இதையும் படியுங்கள்... ஸ்ருதிஹாசனே நல்லா தான இருக்கு... ஆனா மகளை செல்லமாக ஆம்பள பெயர் சொல்லி தான் அழைப்பாராம் கமல் - ஏன் தெரியுமா?

janhvi kapoor

இந்நிலையில், அப்படம் குறித்த மற்றுமொரு ஹாட் அப்டேட் ஒன்று வெளியாகி உள்ளது. அதன்படி இப்படத்தில் பிரதீப் ரங்கநாதனுக்கு ஜோடியாக பாலிவுட் நடிகை ஜான்வி கபூர் நடிக்க உள்ளதாக தகவல்கள் தெரிவிக்கின்றன. நடிகை ஸ்ரீதேவி - தயாரிப்பாளர் போனி கபூர் ஜோடியின் மகளான ஜான்வி கபூர், இப்படம் மூலம் தான் தமிழ் திரையுலகில் ஹீரோயினாக காலடி எடுத்து வைக்க உள்ளதாகவும் கூறப்படுகிறது.

janhvi kapoor

பாலிவுட்டில் பல்வேறு வெற்றிபடங்களில் நடித்துள்ள ஜான்வி கபூர், அண்மையில் டோலிவுட்டில் அறிமுகமானார். அங்கு உருவாகும் தேவரா என்கிற திரைப்படத்தில் ஜூனியர் என்.டி.ஆருக்கு ஜோடியாக நடித்து வருகிறார் ஜான்வி. இதையடுத்து அவர் கோலிவுட்டிலும் அறிமுகமாக உள்ளதால், தென்னிந்திய திரையுலகில் ஜான்வி கபூருக்கு அடுத்த சில ஆண்டுகள் அதிக மவுசு இருக்கும் என தகவல்கள் தெரிவிக்கின்றன.

இதையும் படியுங்கள்... கவர்ச்சியை குறைத்துக் கொண்டு சேலையில் கிக்கான போஸ் கொடுத்த பிரியா பவானி சங்கர்... இதுவும் நல்லா தான் இருக்கு