தியேட்டரில் அட்டர் பிளாப்; ஓடிடியில் சூப்பர் டூப்பர் ஹிட் அடித்த ‘இந்த’ படம் பற்றி தெரியுமா?

திரையரங்குகளில் ரிலீஸ் ஆன போது தோல்வி அடைந்த மலையாள படம் ஒன்று, ஓடிடியில் ரிலீஸ் ஆகி மாபெரும் வெற்றி பெற்றுள்ளது. அது எந்த படம் என்பதை பார்க்கலாம்.

Iru Malayalam Movie Flop in Theatre but Hit in OTT

திரையரங்குகளில் தோல்வியடைந்த திரைப்படம் ஒன்று தற்போது ஓடிடி தளத்தில் வெளியாகி வெற்றி நடைபோடுகிறது. அமேசான் பிரைமில் வெளியான அந்த படம் 15 நாட்களில் அதிக பார்வைகளை பெற்ற மலையாள படம் என்கிற சாதனையை படைத்துள்ளது. அந்த படத்தின் பெயர் ‘இரு’. இத்தனை குறுகிய காலத்தில் ஒரு மலையாளப் படத்திற்கு இவ்வளவு பார்வையாளர்கள் கிடைப்பது அரிது என்றும் படக்குழுவினர் தெரிவித்துள்ளனர்.

இரு படத்தின் கதை என்ன?

கல்லூரி மாணவர்களின் காதல், அரசியல் மோதல்கள் போன்றவற்றை மையமாகக் கொண்ட படம் 'இரு'. ஷேக்ஸ்பியரின் ஒதெல்லோ நாடகத்திலிருந்து உத்வேகம் பெற்று உருவாக்கப்பட்டுள்ளது. கல்லூரி வளாகத்தில் நடக்கும் மூன்று காதல் கதைகள் மூலம் சமூகத்தில் வளரும் சாதி, வர்க்கம், நிறவெறி போன்ற பிரச்சினைகளை படம் பேசுகிறது. படத்தின் உச்சக்கட்டத்தில், வகுப்புவாதத்தால் பாதிக்கப்பட்டவர்களின் வாழ்க்கை சோகத்தில் முடிகிறது. அதே நேரத்தில், வகுப்புவாதம் எந்த பாதிப்பும் இல்லாமல் சமூகத்தில் தொடர்ந்து நிலைத்திருக்கும் யதார்த்தத்தையும் படம் வெளிப்படுத்துகிறது.

ஓடிடியில் கவனம் ஈர்த்த இரு

திரையரங்குகளில் பார்வையாளர்களை ஈர்க்கத் தவறிய அதே உச்சக்கட்டக் காட்சிதான் ஓடிடியில் பார்வையாளர்களை கவர்ந்துள்ளது. ஒதெல்லோவுக்கு நியாயம் செய்ய வேண்டும் என்ற எண்ணம், வணிக சினிமாவின் வழக்கமான அம்சங்களிலிருந்து விலகி, கலைத்தன்மைக்கு முக்கியத்துவம் கொடுத்து படத்தை உருவாக்க படக்குழுவினருக்கு தைரியம் அளித்துள்ளது. மகாத்மா காந்தி பல்கலைக்கழக வளாகத்தில் முழுமையாக படமாக்கப்பட்டுள்ளது. வளாகத்தில் நடந்த உண்மைச் சம்பவங்கள் படத்தில் இடம்பெற்றுள்ளன.

இரு படக்குழு

ரஞ்சி பணிக்கர், ராஜீவ் ராஜன், நயன எல்சா, டெய்ன் டேவிஸ், அஞ்சலி நாயர் உள்ளிட்டோர் நடித்துள்ளனர். ஃபாதர் வர்கீஸ் லால் இயக்கியுள்ளார். எம்ஜி பல்கலைக்கழகத்தின் இலக்கியப் பிரிவு பேராசிரியர் டாக்டர் ஜோஸ் கே. மானுவல் திரைக்கதை எழுதியுள்ளார். முன்னாள் மாணவரும் நடிகர், இயக்குநருமான சித்தார்த் சிவா ஒளிப்பதிவு மற்றும் படத்தொகுப்பு செய்துள்ளார். இசை - சூரஜ் எஸ். குருப், பாடல்கள் - விஷான் ஜான்சன், பாடியவர்கள் - வினீத் ஸ்ரீனிவாசன், மஞ்சரி, பி.எஸ். பானர்ஜி. ஷேக்ஸ்பியர் பிக்சர்ஸ் சார்பில் கிரீஷ் ராம் குமார், ஜார்ஜ் வர்கீஸ், மேரி ஜாய் ஆகியோர் தயாரித்துள்ளனர்.