நடனத்தின் மூலம் இந்திய திரையுலகில் முத்திரை பதித்த பிரபுதேவா இன்று தனது ஐம்பதாவது பிறந்தநாளை கொண்டாடுகிறார். இவர் 1973 ஆம் ஆண்டு ஏப்ரல் 3 ஆம் தேதி மைசூரில் பிறந்தார். அவரை நடன உலகிற்கு கொண்டு வந்த பெருமை அவரது தந்தை முகூர் சுந்தரையே சாரும்.
பிரபுதேவா இந்திய திரையுலகே வியந்து பார்க்கும் அளவுக்கு வளர்ந்ததற்கு அவரது தந்தையின் பங்கு மிகஅதிகம். முகூர் சுந்தரால் தான் பிரபுதேவா நடனத்தில் இவ்வளவு பெரிய இடத்தை அடைய முடிந்தது. பிரபு தேவாவின் தந்தை முகூர் சுந்தர் சிறந்த நடன அமைப்பாளராக இருந்துள்ளார். நடிப்பு, நடனம் ஆகியவற்றை அவர் தனது தந்தையிடம் இருந்து கற்றுக்கொண்டார்.
கமல்ஹாசனின் வெற்றி விழா படத்தின் மூலம் நடன இயக்குனராக தனது வாழ்க்கையை தொடங்கினார் பிரபுதேவா. அதன் பிறகு அவரது வாழ்க்கையே மாறிவிட்டது. பிரபுதேவாவின் தந்தை மிகப்பெரிய விமர்சகராகவும் இருந்துள்ளார். பிரபுதேவா பல்வேறு சிறந்த படைப்புகளை கொடுத்திருந்தாலும், அவரது தந்தை முகூர் சுந்தர் அவரை ஒரே ஒரு படத்திற்காக மட்டும் தான் பாராட்டினாராம்.
இதையும் படியுங்கள்... தமிழகத்தில் அதிகரிக்கும் கொரோனா... தியேட்டர்களுக்கு புதிய கட்டுப்பாடுகளை விதித்தது சுகாதாரத்துறை
பிரபுதேவா இயக்கிய முதல் படமான, 'நுவ்வொஸ்டனண்டே நேனோடண்டனா' என்ற தெலுங்குப் படத்திற்காக தான் முகூர் சுந்தர் தனது மகனை மனம்திறந்து பாராட்டினாராம். தந்தையிடம் கிடைத்த இந்த மதிப்புமிக்க பாராட்டை அடுத்து தான் பிரபுதேவா தமிழில் போக்கிரி என்கிற பிளாக்பஸ்டர் ஹிட் படத்தை கொடுத்துள்ளார். இதையடுத்து பாலிவுட்டிலும் இவர் இயக்குனராக ஜொலித்தார்.
இந்தியாவின் மைக்கேல் ஜாக்சன் என்று ரசிகர்களால் செல்லமாக அழைக்கப்படுபவர் பிரபுதேவா. பாலிவுட் சூப்பர் ஸ்டார் சல்மான் கான், பிரபுதேவாவின் தீவிர ரசிகராம், அதன்காரணமாக தான் அவர் இயக்கத்தில் அடுத்தடுத்து நடித்தார். பிரபுதேவா பரத நாட்டியம் நடனம் ஆடுவதில் வல்லவராக இருந்தாலும், காதலன் படத்தில் இடம்பெற்ற முக்காபுலா பாடல் மூலம் தனக்கென்று ஒரு ஸ்டைலை உருவாக்கி அதன்மூலம் புகழ் பெற்றார்.
பிரபுதேவா கடந்த 1995-ம் ஆண்டு ரம்லத் என்பவரை திருமணம் செய்துகொண்டார். இவர்களுக்கு மூன்று குழந்தைகளும் பிறந்தன. அதில் ஒரு மகன் மட்டும் கேன்சர் பாதிப்பால் கடந்த 2008-ம் ஆண்டு உயிரிழந்துவிட்டார். இதையடுத்து மனைவியை பிரிந்து வாழத்தொடங்கிய பிரபுதேவாவுக்கு நயன்தாரா உடன் பழக்கம் ஏற்பட்டு, நாளடைவில் அது காதலாகவும் மாறியது.
முதல் மனைவியை 2011-ம் ஆண்டு விவாகரத்து செய்துவிட்டு நயன்தாராவை திருமணம் செய்துகொள்ள தயராகி வந்தார் பிரபுதேவா. ஆனால் திடீரென ஏற்பட்ட கருத்து வேறுபாடால் கடந்த 2012-ம் ஆண்டு அவர்கள் இருவரும் பிரேக் அப் செய்து பிரிந்தனர். நயன்தாராவின் பிரிவு பிரபுதேவாவின் கெரியரில் ஒரு திருப்புமுனையையும் ஏற்படுத்தியது. நயன்தாராவை பிரிந்த பின்னர் பாலிவுட்டில் அடுத்தடுத்து வெற்றிப்படங்களை இயக்கி முன்னணி இயக்குனராகவும் உயர்ந்தார். கடந்த 2020-ம் ஆண்டு ஹிமானி என்கிற மருத்துவரை திருமணம் செய்துகொண்டார் என்பது குறிப்பிடத்தக்கது.
இதையும் படியுங்கள்... பாக்ஸ் ஆபிஸ் மட்டுமில்ல.. சோசியல் மீடியாவிலும் நான் ‘கிங்’குடா..! இன்ஸ்டாகிராமில் விஜய் படைத்த உலக சாதனை
சேனலை கிளிக் செய்து பின்தொடரவும்