உலகநாயகன் கமல்ஹாசன் நடித்து வந்த 'இந்தியன் 2' படத்தின் படப்பிடிப்பு பாதியில் நிறுத்தப்பட்ட நிலையில், இன்று இரண்டாவது முறையாக பூஜை போடப்பட்ட புகைப்படங்கள் தற்போது சமூக வலைதளத்தில் வைரலாகி வருகிறது.
இந்தியன் 2 படம் பற்றிய அறிவிப்பு கடந்த 2017ஆம் ஆண்டு பிக்பாஸ் நிகழ்ச்சி துவக்க விழாவின் போது அறிவிக்கப்பட்ட நிலையில், இந்த படத்தின் படப்பிடிப்பு 2019ஆம் ஆண்டு, படப்பிடிப்பு தொடங்கிய பிரமாண்டமாக பூஜையுடன் துவங்கியது. பிரமாண்ட செட்டுகள் அமைத்து, படப்பிடிப்பு நடந்த நிலையில்... அடுத்தடுத்து படப்பிடிப்பில் பல தடங்கல்கள் ஏற்பட்டது.
குறிப்பாக கமலுக்கு மேக் அப் அலர்ஜி, படப்பிடிப்பில் கிரேன் விழுந்து ஏற்பட்ட விபத்து, கொரோனா ஊரடங்கு போன்றவையும் படப்பிடிப்பு மேலும் தாமதமாக காரணமாக அமைந்தது. 'இந்தியன் 2 படப்பிடிப்பு தாமதமாகி கொண்டே சென்றதால், திடீர் என இயக்குனர் ஷங்கர் பிரபல தெலுங்கு நடிகர் ராம் சாரணை வைத்து, RC15 படத்தை இயக்க துவங்கினார். எனவே லைக்கா நிறுவனம், இந்தியன் 2 படத்தை முடிக்காமல், மற்ற படத்தை இயக்க கூடாது என நீதிமன்றத்தில் வழக்கு தொடர்ந்த நிலையில், பலதரப்பு பிரச்சனைகளுக்கு பின்னர் ஒரு வழியாக முடிவுக்கு வந்தது.
மேலும் செய்திகள்: ரத்தம் வரும் அளவிற்கு உதவி இயக்குனரை தாக்கிய சீரியல் நடிகர்... படப்பிடிப்பு தளத்தில் பரபரப்பு..!
வழக்கு வாபஸ் பெற பட்ட நிலையில்... ஷங்கர் மற்றும் லைக்கா நிறுவனம் சமாதான பேச்சுவார்த்தையில் முடிந்தது. எனவே... மீண்டும் இந்தியன் 2 படத்தை இயக்கி முடித்து தருவதாக ஒப்புக்கொண்டார். இதை தொடர்ந்து, இன்று இரண்டாவது முறையாக பூஜை போடப்பட்டு படப்பிடிப்பு மீண்டும் ஆரம்பமாகி உள்ளது.
தற்போது உதயநிதி ஸ்டாலினின் ரெட் ஜெயன்ட் மூவிஸ் நிறுவனமும் இந்தியன் 2 படப்பிடிப்பில் இணைந்துள்ளதால், இன்றைய பூஜை புகைப்படத்தில் சுபாஷ்கரன் மற்றும் உதயநிதி ஸ்டாலின் அளிக்கும் ’இந்தியன் 2’ என்ற பெயர் பலகையுடன் பூஜை நடைபெற்று உள்ளது. இந்த பூஜையில் இயக்குனர் ஷங்கர் உள்பட படக்குழுவினர் அனைவரும் கலந்து கொண்ட புகைப்படங்கள் சமூக வலைத்தளத்தில் வைரலாகி வருகிறது.
மேலும் செய்திகள்: அடேங்கப்பா? விமானநிலையங்களில் முக்கிய கான்ட்ராக்டை கைப்பற்றி பல கோடி லாபம் பார்க்கும் சூர்யா!
நடிகர் கமலஹாசன் அமெரிக்காவில் தற்போது இருப்பதால்... இந்த பூஜையில் அவர் கலந்து கொள்ளவில்லை. எனவே அமெரிக்காவில் இருந்து சென்னை திரும்பியதும் படப்பிடிப்பில் கமலஹாசன் கலந்துகொள்வார் என எதிர்பார்க்கப்படுகிறது.
கமல்ஹாசன், சித்தார்த், காஜல் அகர்வால், சுகன்யா, ரகுல் ப்ரீத்திசிங், ப்ரியா பவானி சங்கர், குரு சோமசுந்தரம், சமுத்திரகனி, டெல்லி கணேஷ் உள்பட பலர் இந்தியன் 2 படத்தில் நடித்து வருகிறார்கள். குழந்தை பிறந்த பின்னர், காஜல் அகர்வால் இந்தியன் 2 படத்தில் கலந்து கொள்வார் என எதிர்பார்க்கப்படுகிறது.
மேலும் செய்திகள்: ஆண்டி ஆனாலும் அடங்காத மீரா ஜாஸ்மின்..! 40 வயதில் டாப் ஆங்கிள் போஸில்... மூட் அவுட் செய்த போட்டோஸ்!