தமிழ் நடிகர்கள் சிலர், திருநங்கை கதாபாத்திரத்தில் நடித்து ரசிகர்களையே அசர வைத்துள்ளனர் அவர்கள் யார் யார் என்பது பற்றி தொகுப்பு இதோ.
காதல், ஆக்ஷன், போன்ற படங்களில் நடிப்பது கூட சுலபம் தான். ஆனால் ஒரு ஆண் , தன்னை ஒரு பெண்ணாக பாவித்து... திருநங்கையாக நடிப்பது என்பது எளிதான விஷயம் இல்லை. ஆனால் இதை கூட சில நடிகர்கள் அசால்டாக செய்துள்ளார். அவர்கள் பற்றிய தொகுப்பு இதோ...
ஒரே படத்தில் பல கெட்டப் போட்டு நடிக்க சொன்னாலும், அசால்டாக நடிக்கும் விக்ரம்... திருநங்கை கதாபாத்திரத்தை விட்டு வைப்பாரா?, இவர் இரட்டை வேடத்தில் நடித்த 'இருமுகன்' படத்தில், வரும் வில்லன் கதாபாத்திரமே விக்ரமின் திருநங்கை கதாபாத்திரம் தான். அழகிலும், ஸ்டைலிலும் லேடி சூப்பர் ஸ்டார் நயன்தாராவையே பின்னுக்கு தள்ளிவிட்டார் என்றால் பார்த்து கொள்ளுங்கள்.
ஹீரோ - வில்லன் என்பதை தாண்டி, எப்படி பட்ட கதாபாத்திரம் கொடுத்தாலும், அசால்டாக 6 அடித்து ரசிகர்கள் மனதில் இடம் பிடித்துவிடும் விஜய் சேதுபதி, ஷில்பா என்கிற திருநங்கையாக நடித்திருந்த திரைப்படம் 'சூப்பர் டீலக்ஸ்'. இந்த படத்தில் நடித்ததற்காக சர்வதேச அளவில் பாராட்டுகளை பெற்றார் என்பது குறிபிடித்தக்கது.
இந்த ஸ்டைலிஷ் ஹீரோ ஒரு திருநங்கையாக நடித்து கலக்கிய திரைப்படம் 'ஆதி பகவான்'. ஜெயம் ரவி முன்னை நடிகராக வளைந்து வந்த நேரத்தில், ஒரு சவாலாகவே இந்த கதாபாத்திரத்தை தேர்வு செய்து நடித்து, ரசிகர்கள் மத்தியில் பாராட்டுகளை பெற்றார்.
காஞ்சனா படத்தில், சரத்குமாரின் திருநங்கை வேடத்தை ரசிக்காத ரசிகர்கள் இருக்க முடியாது. அந்த அளவுக்கு எதார்த்தமாக தன்னுடைய நடிப்பை வெளிப்படுத்தி, சிறந்த துணை நடிகருக்கான பல விருதுகளை வென்றார்.
இயக்குனர் வசந்த் இயக்கத்தில் 2000 ஆம் ஆண்டு வெளியான திரைப்படம் 'அப்பு'. பிரஷாந்த் - தேவயானி நடித்திருந்த இந்த படத்தில், திருநங்கையாக மட்டும் இன்றி, முரட்டு வில்லையாகவும் நடித்து, விமர்சன ரீதியாக பாராட்டுகளை பெற்றவர் பிரகாஷ் ராஜ். மேலும் இந்த படத்திற்காக பல விருதுகளையும் பெற்றுள்ளார்.
துணை இயக்குநரை சாதி வெறியோடு திட்டிய நடிகர் விக்னேஷ்! பகிரங்க மன்னிப்பு கேட்டார்!
காஞ்சனா படத்தை இயக்கி, நடித்திருந்த லாரன்ஸ், சில காட்சிகளில்... ஒரு திருநங்கை போல நடித்து அசத்தி இருப்பார். இதற்காக இவர் ரசிகர்கள் மத்தியில் பாராட்டுகளையும், விருதுகளை வென்றார். சமீபத்தில் காஞ்சனா திரைப்படம், ஹிந்தியில் அக்ஷய் குமார் நடிப்பில் ரீமேக் செய்யப்பட்ட நிலையில், ஹிந்தியிலும் வசூலில் வாரி குவித்தது என்பது குறிப்பிடத்தக்கது.
சேனலை கிளிக் செய்து பின்தொடரவும்