57 வருஷத்துக்கு முன் Fail ஆகிட்டேன்.. இப்போ மிஸ் ஆகாது- 73 வயதில் 10ம் வகுப்பு பொதுத்தேர்வு எழுதிய பிரபல நடிகை
தேர்வுக்கு பயந்து இளம் வயதினர் தற்கொலை செய்துகொள்ளும் தற்போதைய காலகட்டத்தில், 73 வயதில் பிரபல நடிகை 10-ம் வகுப்பு பொதுத்தேர்வு எழுதி அசத்தி உள்ளார்.
நடிப்பின் மீது கொண்ட ஆர்வத்தால் 13 வயதில் சினிமாவில் கால்பதித்தவர் நடிகை லீனா ஆண்டனி. அன்று தொடங்கிய அவரது திரைப்பயணம் தற்போது 60 ஆண்டுகளைக் கடந்து வெற்றிகரமாக நகர்ந்து வருகிறது. இவரது கணவர் ஆண்டனியும் சினிமாவில் நடிகராக வலம் வந்தவர் ஆவார். இவர் கடந்த சில ஆண்டுகளுக்கு முன் உயிரிழந்து விட்டார்.
நடிகை லீனா ஆண்டனி, மலையாளத்தில் சூப்பர் ஹிட் அடித்த ஜோ அண்ட் ஜோ, மகள், மகேஷிண்டே பரிகாரம் உள்பட ஏராளமான படங்களில் குணச்சித்திர வேடங்களில் நடித்து அசத்தியவர் ஆவார். இவர் சிறுவயதிலேயே நடிக்க வந்துவிட்டதால், அந்த சமயத்தில் படிப்பில் கவனம் செலுத்த முடியாமல் போனது. இதனால் 57 ஆண்டுகளுக்கு முன் 10-ம் வகுப்பு பொதுத்தேர்வில் தோல்வி அடைந்ததால் மேற்கொண்டு படிக்கவில்லை.
இதையும் படியுங்கள்... என் அறக்கட்டளைக்கு யாரும் நன்கொடை வழங்க தேவையில்ல.. நானே பார்த்துப்பேன்.. மாஸ் காட்டிய ராகவா லாரன்ஸ்.