வடிவேலு - பகத் பாசில் நடித்த ‘மாரீசன்’ ரிலீஸ் எப்போது? சர்ப்ரைஸாக அறிவித்த படக்குழு
சுதீஷ் சங்கர் இயக்கத்தில் வடிவேலுவும், பகத் பாசிலும் இணைந்து நடித்துள்ள மாரீசன் திரைப்படத்தின் ரிலீஸ் அப்டேட்டை படக்குழு வெளியிட்டுள்ளது.
☰
Maareesan Release Date : 2023ல் வெளியாகி தென்னிந்தியா முழுவதும் கவனத்தை ஈர்த்த 'மாமன்னன்' படத்திற்குப் பிறகு வடிவேலுவும் ஃபஹத் ஃபாசிலும் இணைந்து நடிக்கும் படம் மாரீசன். 2024ல் அறிவிக்கப்பட்ட இப்படம் தற்போது ரிலீசுக்கு தயாராகி வருகிறது. மாரீசன் படத்தின் வெளியீட்டு தேதியை பகத் பாசில் தன்னுடைய முகநூல் பக்கத்தில் வெளியிட்டுள்ளார். அதன்படி இப்படம் 2025ம் ஆண்டு ஜூலையில் வெளியாகும் என அறிவிக்கப்பட்டு உள்ளது. ஆனால் தேதி இன்னும் வெளியிடப்படவில்லை. பகத் பாசிலும் வடிவேலுவும் நேருக்கு நேர் நிற்கும் போஸ்டரையும் படக்குழுவினர் பகிர்ந்துள்ளனர்.
மாரீசன் ரிலீஸ் தேதி
சுதீஷ் சங்கர் இயக்கத்தில் உருவாகி உள்ள படம் மாரீசன். மாமன்னன் தீவிரமான சாதி அரசியலைப் பேசிய பொலிட்டிக்கல் டிராமா என்றால், மாரீசன் நகைச்சுவைக்கு முக்கியத்துவம் உள்ள ஒரு ரோட் மூவியாக இருக்கும் என்று கூறப்படுகிறது. சூப்பர் குட் ஃபிலிம்ஸின் கீழ் ஆர்.பி.சௌத்ரி இப்படத்தை தயாரிக்கிறார். இதற்கு முன்பு சுதீஷ் சங்கர், தமிழில் ஆறுமனமே, திலீப் நடித்த மலையாளப் படம் வில்லாளி வீரன் ஆகிய படங்களை இயக்கியுள்ளார்.
இதையும் படியுங்கள்... அசத்துறாரே பா.. கேப் விடாமல் படங்களை அடுக்கும் "வைகைப்புயல்" - பகத் பாசிலுடன் மீண்டும் ஒரு சம்பவம்!
மாரீசன் படக்குழு
திரையுலகிற்கு பல ஹிட் படங்களை வழங்கியுள்ள சூப்பர் குட் ஃபிலிம்ஸின் 98வது படம் மாரீசன். கலைச்செல்வன் சிவாஜி ஒளிப்பதிவு செய்கிறார். படத்தொகுப்பு பணிகளை ஸ்ரீஜித் சாரங் கவனிக்கிறார். இசையமைப்பாளராக யுவன் சங்கர் ராஜா பணியாற்றி உள்ளார். மாமன்னன் படத்தை போல் இந்த படத்திலும் வடிவேலுவுக்கு சீரியஸான ரோலாக இருக்கும் என கூறப்படுகிறது. பயணத்தை மையமாக வைத்து இந்தப் படம் உருவாகி இருக்கிறது.
பகத் பாசில் - வடிவேலு கூட்டணி
மாரி செல்வராஜ் இயக்கத்தில் வெளியான படம் மாமன்னன். இப்படம் வசூல் ரீதியாகவும் விமர்சன ரீதியாகவும் வெற்றி பெற்றது. ஓடிடி வெளியீட்டிற்குப் பிறகும் பரவலாக பேசப்பட்டது. இப்படத்தில் கதாநாயகனாக நடித்த உதயநிதி ஸ்டாலினை விட பகத் பாசில் நடித்த வில்லன் கதாபாத்திரம் பாராட்டப்பட்டது, இது பெரும் விவாதத்திற்கு வழிவகுத்தது. பகத்தின் நடிப்பில் கடைசியாக வெளியான படம் புஷ்பா 2. இப்படம் உலகளவில் ரூ.1800 கோடிக்கு மேல் வசூலித்து சாதனை படைத்தது.
இதையும் படியுங்கள்... Fahadh Faasil : நடிகர் பகத் பாசிலுக்கு இப்படி ஒரு அரியவகை நோய் பாதிப்பா? ஆவேஷம் ஹீரோ வெளியிட்ட அதிர்ச்சி தகவல்
Latest Videos
சேனலை கிளிக் செய்து பின்தொடரவும்click me!