விஷ்ணு; அப்பா தயாரிப்பில் இல்லாமல் விஜய் நடித்த முதல் படம் - அவர் வாங்கிய சம்பளம் எவ்வளவு தெரியுமா?

Thalapathy Vijay : தளபதி விஜய் தன்னுடைய தந்தை எஸ்.ஏ சந்திரசேகர் மூலம் திரையுலகில் அறிமுகமானவர் என்றாலும், இன்று அவருக்கென்று ஒரு தனி ரசிகர் கூட்டம் உள்ளது என்பது குறிப்பிடத்தக்கது.

Vishnu Movie

தமிழ் சினிமாவில் மிகச்சிறந்த இயக்குனராக வலம் வந்தவர் எஸ்.ஏ. சந்திரசேகர். இயக்குனராக மட்டுமல்லாமல் தயாரிப்பாளராக, நடிகராக மற்றும் எழுத்தாளராக அவருடைய படைப்பில் பல திரைப்படங்கள் வெளியாகி உள்ளது. கடந்த 1978ம் ஆண்டு "அவள் ஒரு பச்சை குழந்தை" என்கின்ற திரைப்படத்தின் மூலம் இயக்குனராக அறிமுகமான அவருக்கு, 1981ம் ஆண்டு கேப்டன் விஜயகாந்த் நடிப்பில் வெளியான "சட்டம் ஒரு இருட்டறை" என்கின்ற திரைப்படம் மிகப்பெரிய அளவிலான வரவேற்பை பெற்றுக் கொடுத்தது. அதன் பிறகு தொடர்ச்சியாக நடிகர் விஜயகாந்தை வைத்து பல திரைப்படங்களை அவர் இயக்கியிருக்கிறார்.

Naalaiya Theerpu

இன்று தமிழ் மக்கள் அனைவரும் தளபதி என்று கொண்டாடும் விஜய், 1984ம் ஆண்டு இயக்குனர் எஸ்.ஏ சந்திரசேகர் இயக்கத்தில், விஜயகாந்த் நடிப்பில் வெளியான "வெற்றி" என்கின்ற திரைப்படத்தின் மூலம் தான் குழந்தை நட்சத்திரமாக அறிமுகமானார். தொடர்ச்சியாக 1987ம் ஆண்டு வரை தனது தந்தை எஸ்ஏ சந்திரசேகர் அவர்களுடைய ஐந்துக்கும் மேற்பட்ட திரைப்படங்களில் குழந்தை நட்சத்திரமாகவே அவர் நடித்து வந்தார். இந்த சூழலில் 1992ம் ஆண்டு மீண்டும் எஸ்.ஏ சந்திரசேகர் இயக்கத்தில், அவருடைய தாய் சோபனா சந்திரசேகர் தயாரிப்பில் வெளியான "நாளைய தீர்ப்பு" என்கின்ற திரைப்படத்தின் மூலம் ஹீரோவாக தமிழ் திரை உலகில் களமிறங்கினார் தளபதி விஜய். 

இந்த திரைப்படம் மக்கள் மத்தியில் நல்ல வரவேற்பை பெற்றது தொடர்ச்சியாக ஹீரோவாக பல திரைப்படங்களில் நடிக்க தொடங்கினார் விஜய். 

SA Chandrasekar

1992 ஆம் ஆண்டு "நாளைய தீர்ப்பு" திரைப்படம் வெளியானது, தொடர்ச்சியாக "செந்தூரப்பாண்டி", "ரசிகன்", "தேவா" மற்றும் "ராஜாவின் பார்வையிலே" உள்ளிட்ட திரைப்படங்களை தன்னுடைய தந்தை எஸ்.ஏ சந்திரசேகரின் இயக்கத்திலும், அவருடைய உறவினர் விமல் என்பவருடைய தயாரிப்பிலும் நடித்து வந்த தளபதி விஜய், முதல் முறையாக 1995ம் ஆண்டு வெளியான "விஷ்ணு" என்கின்ற திரைப்படத்தில் தான் வேறொரு தயாரிப்பு நிறுவனத்தில் பணியாற்ற தொடங்கினார். 

இந்த திரைப்படத்தையும் இயக்கியது எஸ்ஏ சந்திரசேகர் தான் என்றாலும், எம். பாஸ்கர் மற்றும் பாலாஜி பிரபு உள்ளிட்டவர்களுடைய தயாரிப்பு நிறுவனம் இப்படத்தை தயாரித்து வழங்கியது குறிப்பிடத்தக்கது. கிட்டத்தட்ட 1984ம் ஆண்டு முதல் கலை உலகில் தளபதி விஜய் பயணித்து வந்தாலும் 1995 ஆம் ஆண்டு வெளியான இந்த "விஷ்ணு" என்கின்ற திரைப்படம் தான் முதல் முறையாக, தன்னுடைய தந்தையின் தயாரிப்பு அல்லாமல் வேறொருவர் தயாரிப்பில் விஜய் நடித்த முதல் திரைப்படம் ஆகும்.

TVK Vijay

இன்று தமிழ் சினிமாவை பொருத்தவரை அசாதாரணமாக 150 கோடி ரூபாய்க்கு மேல் சம்பளம் வாங்கும் மிக மிக உச்ச நடிகராக தளபதி விஜய் நிகழ்ந்து வந்தாலும், அவர் நடித்த அந்த விஷ்ணு என்கின்ற முதல் திரைப்படத்திற்கு தளபதி விஜய் வாங்கிய சம்பளம் வெறும் 3 லட்சம் ரூபாய் தான். அதிலும் அட்வான்ஸ் ஆக திரைப்படம் தொடங்கியபோது ஒரு லட்சம் ரூபாய் விஜய்க்கு கொடுக்கப்பட்டுள்ளது. அதன் பிறகு அந்த திரைப்படம் நல்ல வரவேற்பை பெற்ற நிலையில், அவருக்கு மேற்கொண்டு இரண்டு லட்சம் ரூபாய் கொடுக்கப்பட்டுள்ளது.