ரஜினி சொன்ன ஒற்றை வார்த்தை - காலம் கடந்தும் மாறாத புகழ்- சுந்தர் சி சொன்ன பிரமிக்க வைக்கும் சீக்ரெட்ஸ்!

Sundar C Reveals Arunachalam Movie Title Secrets: சுந்தர் சி-க்கு அருணாச்சலம் தலைப்பில் உடன்பாடு இல்லை. ஆனால், ரஜினி தனது காந்தக் குரலில் "அருணாச்சலம்" என்று உச்சரித்துக் காட்ட அதன் பிறகு அந்த டைட்டில் படத்திற்குப் பொருத்தமானது என அவர் சம்மதித்தார்.

Rajinikanth Arunachalam Movie

சூப்பர் ஸ்டார் ரஜினிகாந்த் நடித்த அருணாச்சலம் திரைப்படத்தின் டைட்டில் உருவான விதம் குறித்து இயக்குநர் சுந்தர். சி சுவாரஸ்யமான தகவலை பகிர்ந்து உள்ளார். அவர் கூறுகையில், ”அருணாச்சலம் படத்திற்கு முதலில் நாங்கள் வைத்து இருந்த டைட்டில் குபேரன். பொதுவாக ரஜினி படத்தின் டைட்டிலுக்கு பெரிய எதிர்பார்ப்பு இருக்கும். அப்போது நாங்கள் தேர்வு செய்து வைத்து இருந்த குபேரன் டைட்டில் எப்படியோ கசிந்துவிட்டது. அதனால் அந்த டைட்டிலை மாற்ற வேண்டிய கட்டாயம் ஏற்பட்டது.

Arunachalam Movie Title Making

இந்த படத்திற்கான கதையை உருவாக்கும் போது ஒரு வலுவான, மக்கள் மனதில் பதியும் பெயர் வைக்க வேண்டும் என்று நினைத்தேன். அப்போது “அருணாச்சலம்” என்ற பெயரை ரஜினி சார் தான் தேர்வு செய்தார். இந்த பெயர் கிராமத்து பாணி, சக்தி மற்றும் பொது மக்களுக்கு நெருக்கமான உணர்வை தருவதால் எளிதில் அனைவராலும் ஏற்றுக்கொள்ளப்பட்டது. மேலும், இந்த பெயர் ஹீரோவின் கேரக்டருக்கும் மிகவும் பொருத்தமாக இருந்ததால், அதை மாற்றவே யாரும் விரும்பவில்லை.

Arunachalam Movie,

படம் வெளியான பிறகு “அருணாச்சலம்” என்ற பெயர் ரசிகர்களிடையே மிகப் பெரிய அளவில் பிரபலமானது. இந்த டைட்டில் தேர்வு, படத்தின் வெற்றிக்கு முக்கிய காரணங்களில் ஒன்றாக இருந்தது ” என்றார். சாதாரண வாழ்க்கை வாழும் அருணாச்சலம் திடீரென ஒரு பெரிய செல்வந்தரின் வாரிசாக மாறுகிறார். ஆனால் அந்த சொத்தை பெற, ஒரு மாதத்தில் பெரும் தொகையை செலவு செய்ய வேண்டும் என்ற சவால் அவருக்கு முன்வைக்கப்படுகிறது.

Sundar C, Rajinikanth

அதனை எப்படி சமாளிக்கிறார் என்பதே கதையின் மையம். இந்த சவாலின் போது அருணாச்சலம் எதிர்கொள்ளும் சிக்கல்கள், நகைச்சுவை, உணர்ச்சி மற்றும் ஆக்ஷன் கலந்து கதையை முன்னேற்றுகின்றன. படத்தில் உள்ள காமெடி காட்சிகள் மற்றும் மாஸ் டயலாக்கள் ரசிகர்களிடையே பெரும் வரவேற்பைப் பெற்றன. அருணாச்சலம் திரைப்படம் இன்று வரை ஒரு கிளாசிக் எனக் கருதப்படுகிறது. படத்தில் சூப்பர் ஸ்டார் ரஜினிகாந்தின் ஸ்டைல், நடிப்பு மற்றும் இயக்குநர் சுந்தர்.சியின் இயக்கம் இணைந்து இந்த படத்தை மறக்க முடியாத ஒன்றாக மாற்றியுள்ளன.