இன்று டாப் நடிகராக இருக்கும், விஜய்யின் தந்தையும், இயக்குனருமான எஸ்.ஏ.சந்திரசேகரிடம் உதவி இயக்குனராக பணியாற்றி பின் இயக்குனராக மாறியவர் ஷங்கர். இவர் இயக்கத்தில் கடந்த 1993-ம் ஆண்டு வெளியான ஜென்டில்மேன் படம் இவருக்கு சிறந்த அறிமுக இயக்குனர் என்கிற அந்தஸ்தை பெற்று தந்ததோடு, பிளாக் பஸ்டர் ஹிட் படமாக அமைந்தது.
இன்று பிரமாண்ட இயக்குனர் என்று பெயெரெடுத்துள்ள இவர், அடுத்ததாக இந்தியன் 2 மற்றும் தெலுங்கு திரையுலகில் முன்னணி நடிகராக இருக்கும் ராம் சரணின் 15 ஆவது படம் ஆகியவற்றை இயக்க உள்ளதாக கூறப்படுகிறது. இந்த படத்தின் பணிகளும் விறுவிறுப்பாக நடந்து வருவது குறிப்பிடத்தக்கது.
ஒவ்வொரு ஆண்டும் துறை ரீதியாக சாதனை படைத்து வரும் நபர்களுக்கு வேல்ஸ் பல்கலைக்கழகம் கௌரவ டாக்டர் பட்டம் வழங்கி வருகிறது. அந்த வகையில் இந்த ஆண்டு இயக்குநர் சங்கர், கிரிக்கெட் வீரர் ரெய்னாவுக்கு டாக்டர் பட்டம் வழங்கப்பட்டது.