vijay First salary : இன்று 100 கோடிக்கு மேல் வாங்கினாலும்... விஜய்யின் முதல் சம்பளம் இவ்வளவு தான் - SAC தகவல்

Thalapathy vijay First salary : நடிகர் விஜய் சினிமாவில் நடித்ததற்காக வாங்கிய முதல் சம்பளம் எவ்வளவு என்பது குறித்து அவரின் தந்தை எஸ்.ஏ.சந்திரசேகர் தெரிவித்துள்ளார்.

இயக்குனர் எஸ்.ஏ.சந்திரசேகரின் மகனும், நடிகருமான விஜய், தந்தை மூலம் சினிமாவில் அறிமுகமானாலும், தனது கடின உழைப்பால் உயர்ந்து தற்போது மக்களின் மனம் கவர்ந்த நாயகனாக வலம் வருகிறார். ஆரம்பத்தில் காதல் நாயகனாக வலம் வந்த விஜய், ரமணா இயக்கிய திருமலை படம் மூலம் மாஸ் ஹீரோவாக அவதாரம் எடுத்தார்.

இதன்பின் இவர் நடிப்பில் வெளியான கில்லி, திருப்பாச்சி, சிவகாசி, துப்பாக்கி, வேட்டைக்காரன், கத்தி, மெர்சல், தெறி என அடுத்தடுத்து பிளாக்பஸ்டர் ஹிட் படங்களைக் கொடுத்து தமிழ் சினிமாவில் தவிர்க்க முடியாத நடிகராக உயர்ந்துள்ளார் விஜய். இவருக்கான ரசிகர்கள் பட்டாளமும் நாளுக்கு நாள் அதிகரித்த வண்ணம் உள்ளது.

நடிகர் விஜய்யின் தந்தை எஸ்.ஏ.சந்திரசேகர், யார் இந்த எஸ்.ஏ.சி என்கிற யூடியூப் சேனலின் மூலம் தன்னைப்பறியும், தனது மகன் விஜய்யை பற்றியும் பல்வேறு சுவாரஸ்ய தகவல்களை பகிர்ந்து வருகிறார். அந்த வகையில் தற்போது நடிகர் விஜய் சினிமாவில் நடித்ததற்காக வாங்கிய முதல் சம்பளம் எவ்வளவு என்பது குறித்து பேசியுள்ளார் எஸ்.ஏ.சி.

நடிகர் விஜய் நாளைய தீர்ப்பு படத்தின் மூலம் ஹீரோவாக அறிமுகமானாலும், அவர் அதற்கு முன் எஸ்.ஏ.சி இயக்கத்தில் சில படங்களில் குழந்தை நட்சத்திரமாக நடித்துள்ளார். அப்போது நடிகர் விஜய் முதன்முதலில் ரூ.500 சம்பளமாக பெற்றதாக எஸ்.ஏ.சி கூறி உள்ளார். இவ்வாறு குறைந்த அளவு சம்பளம் வாங்கிய விஜய் படிப்படியாக உயர்ந்து தற்போது ரூ.100 கோடிக்கு மேல் சம்பளம் வாங்கி வருகிறார் என்பது குறிப்பிடத்தக்கது.

இதையும் படியுங்கள்... HipHop Aadhi : நடிகர் ஹிப்ஹாப் ஆதி வீட்டின் மீது கல்வீசி தாக்கிய இருவர் கைது... பின்னணி என்ன?