ரஜினிகாந்த் நடித்துள்ள ஜெயிலர் திரைப்படம் ரிலீஸ் ஆக உள்ள நிலையில், அப்படம் குறித்து நடிகர் தனுஷ் போட்டுள்ள டுவிட் வைரலாகி வருகிறது.
தமிழ் திரையுலகில் முன்னணி நடிகராக வலம் வருபவர் தனுஷ். இவர் நடிப்பில் தற்போது கேப்டன் மில்லர் திரைப்படம் உருவாகி உள்ளது. இப்படத்தின் ஷூட்டிங் முடிந்து ரிலீசுக்கு தயாராகி வருகிறது. வருகிற டிசம்பர் மாதம் இப்படம் திரைக்கு வர உள்ளது. இதையடுத்து தனுஷ் தனது 50-வது படத்தை இயக்கி வருகிறார். இப்படத்தை சன் பிக்சர்ஸ் நிறுவனம் தயாரிக்கிறது. இப்படத்தில் ஹீரோவாகவும் தனுஷ் நடித்து வருகின்றார்.
இதுதவிர மாரி செல்வராஜ் இயக்கத்தில் ஒரு படம், தெலுங்கில் சேகர் கம்முலா இயக்கத்தில் ஒருபடம், இந்தியில் ஆனந்த் எல் ராய் இயக்கத்தில் ராஞ்சனா 2 என பான் இந்தியா அளவில் செம்ம பிசியான நடிகராக வலம் வந்துகொண்டிருக்கிறார் தனுஷ். இவ்வளவு பிசியான நடிகராக இருக்கும் தனுஷ், தற்போது ரஜினிகாந்தின் ஜெயிலர் படம் குறித்து போட்டுள்ள டுவிட்டர் பதிவு செம்ம வைரல் ஆகி வருகிறது.
அந்த பதிவில், இது ஜெயிலர் வாரம் என குறிப்பிட்டு சிரிக்கும் எமோஜிக்களை பதிவிட்டுள்ளார் தனுஷ். ரஜினிகாந்தின் மகள் ஐஸ்வர்யாவை திருமணம் செய்துகொண்ட தனுஷ், அவருடன் ஏற்பட்ட கருத்து வேறுபாடு காரணமாக கடந்தாண்டு அவரை விவாகரத்து செய்து பிரிந்துவிட்டாலும், தனது முன்னாள் மாமனார் ரஜினி மீது அவர் வைத்துள்ள பாசம் இன்னும் குறையவில்லை என்பதற்கு இதுவே சான்று என ரசிகர்கள் கூறி வருகின்றனர்.
இதையும் படியுங்கள்... உலகநாயகனுக்கே நடிப்பில் சவால்விடும் 4 நடிகைகள்.. அவரே வியந்து பாராட்டியது தான் Highlight - ஒரு பார்வை!
அதுமட்டுமின்றி தனுஷ், ரஜினிகாந்தின் தீவிர ரசிகரும் கூட, இதற்கு முன் ரஜினி நடிப்பில் வெளிவந்த லிங்கா, காலா, கபாலி போன்ற படங்களை எல்லாம் பர்ஸ்ட் டே பர்ஸ்ட் ஷோ பார்த்துள்ள அவர், தற்போது ஜெயிலர் படத்திற்கு அதேபோல் முதல் நாள் முதல் காட்சி பார்க்க உள்ளதை தான் இப்படி தனது டுவிட்டின் மூலம் வெளிப்படுத்தி உள்ளார் என கூறப்படுகிறது.
ரஜினியின் ஜெயிலர் படத்தை தொடர்ந்து அப்படத்தின் இயக்குனர் நெல்சன் இயக்க உள்ள படத்தில் தனுஷ் நாயகனாக நடிக்க உள்ளதாகவும் தகவல்கள் வெளிவந்த வண்ணம் உள்ளன. இப்படத்தை கமல்ஹாசனின் ராஜ்கமல் பிலிம்ஸ் நிறுவனம் தயாரிக்க உள்ளதாகவும் கூறப்படுகிறது. இதுகுறித்த அறிவிப்பும் விரைவில் வெளியாகக்கூடும் என எதிர்பார்க்கப்படுகிறது.
இதையும் படியுங்கள்... கோவிலில் தீண்டாமை கொடுமையை எதிர்கொண்ட யோகி பாபு... அர்ச்சகரின் செயலுக்கு குவியும் கண்டனம் - வைரலாகும் வீடியோ
சேனலை கிளிக் செய்து பின்தொடரவும்