Published : Sep 21, 2022, 02:08 PM ISTUpdated : Sep 21, 2022, 02:17 PM IST
தனுஷ் நடிப்பில் வெளியான, திருச்சிற்றம்பலம் திரைப்படம் மிகப்பெரிய வெற்றி பெற்ற நிலையில், இந்த படத்தின் ஓடிடி ரிலீஸ் குறித்த தகவல் தற்போது வெளியாகி உள்ளது.
கர்ணன் படத்திற்கு பிறகு, தனுஷ் நடிப்பில் வெளியான படங்கள் தொடர்ந்து தோல்வியை தழுவிய நிலையில், சமீபத்தில் வெளியான 'திருச்சிற்றம்பலம்' திரைப்படம் மூலம் மீண்டும் வெற்றி பட நாயகனாக மாறியுள்ளார். இந்த படத்தை தொடர்ந்து தமிழ் திரையுலகில் பிசியான நடிகராக வலம் வருபவர் தனுஷ் நடிப்பில் விரைவில் நானே வருவேன், வாத்தி போன்ற திரைப்படங்கள் வெளியாக உள்ளது. அதே போல் கேப்டன் மில்லர் என்கிற வித்தியாசமான கதையம்சம் கொண்ட திரைப்படத்திலும் நடித்து வருகிறார்.
24
அதேபோல் வட சென்னை மற்றும் ஆயிரத்தில் ஒருவன் ஆகிய படங்களின் இரண்டாம் பாகத்திலும் நடிக்க கமிட் ஆகி உள்ளார். குறிப்பாக வாத்தி படத்தின் மூலம் தனுஷ் தெலுங்கு திரையுலகிலும் அறிமுகமாக உள்ளார். சமீபத்தில் தனுஷ் நடித்த 3 படம் தெலுங்கில் வெளியாகி சூப்பர் ஹிட் வெற்றி பெற்ற நிலையில், தனுஷ் நேரடியாக நடித்து வரும் முதல் தெலுங்கு திரைப்படமான 'வாத்தி' படத்திற்கும் ரசிகர்கள் மத்தியில் ஏகப்பட்ட எதிர்பார்ப்பு நிலவி வருகிறது.
இந்த படத்தை வெங்கி அட்லூரி இயக்கி உள்ளார். இந்த படத்தில் தனுஷுக்கு ஜோடியாக சம்யுக்தா மேனன் நடித்துள்ளார். ஜிவி பிரகாஷ் இசையமைத்துள்ள இப்படம் விரைவில் ரிலீசாக உள்ளது. அதேபோல் நானே வருவேன் படத்தை செல்வராகவன் இயக்கி உள்ளார். இப்படத்தில் நடிகர் தனுஷ் இரட்டை வேடங்களில் நடித்துள்ளார். ஒரு தனுஷ் கெட்டவராகவும், மற்றொரு தனுஷ் நல்லவராகவும் நடித்துள்ளார். இப்படம் வருகிற செப்டம்பர் 29-ந் தேதி பொன்னியின் செல்வன் ரிலீஸ் ஆகும் தினத்திற்கு முந்தய தினம் இப்படம் ரிலீஸ் ஆகவுள்ளது.
44
இப்படி, படு பிஸியான நடிகராக தமிழ் சினிமாவில் வலம் வந்துகொண்டிருக்கும் தனுஷ் நடிப்பில் சமீபத்தில் வெளியான, 'திருச்சிற்றமபலம்' திரைப்படம் பட்ஜெட்டை விட இரண்டு மடங்கு வசூல் சாதனை படைத்தது 100 கோடி வசூல் கிளப்பில் இணைந்த நிலையில், தற்போது ஓடிடியில் ரிலீஸ் ஆகயுள்ளதாக அதிகார பூர்வ தகவல் வெளியாகியுள்ளது. அதன்படி, சன் நெஸ்ட் ஓடிடி தளத்தில், செப்டம்பர் 23ஆம் தேதி இப்படம் வெளியாக உள்ளது. இந்த படத்தில் தனுஷுக்கு ஜோடியாக நித்யா மேனன் நடித்திருந்தார். மேலும் ராஷி கண்ணா, பிரியா பவானி ஷங்கர் ஆகியோரும் நடித்திருந்தனர். முக்கிய கதாபாத்திரத்தில் பாரதிராஜா, பிரகாஷ் ராஜ், ஆகியோர் நடித்திருந்தனர். மித்ரன் ஆர்.ஜவஹர் இயக்கிய இந்த படத்திற்கு அனிருத் இசையமைத்திருந்தார் என்பது குறிப்பிடத்தக்கது.
தமிழ் சினிமா (Tamil Cinema News), டிவி நிகழ்ச்சிகள் (Tamil TV Shows), செலிபிரிட்டி செய்திகள் மற்றும் சமீபத்திய அப்டேட்களுக்காக ஏஷ்யாநெட் தமிழ் நியூஸின் பொழுதுபோக்கு பிரிவை ஆராயுங்கள். சினிமா விமர்சனங்கள் (Tamil Movies Review), நட்சத்திரங்களின் நேர்காணல்கள், தொடர்களில் நடக்கும் ட்ராமா மற்றும் பொழுதுபோக்கு உலகின் டிரெண்ட்ஸ்பாட்டிங்குடன் எப்போதும் புதுப்பித்த நிலையில் இருங்கள். திரையரங்குப் பின்னணி கதைகள்,டிரெய்லர் வெளியீடுகள்மற்றும் ரெட் கார்பெட் தருணங்களை அறிந்து கொள்ளுங்கள்.
