தியேட்டரில் வாஷ் அவுட் ஆனதால் ஓடிடிக்கு பார்சல் செய்யப்பட்ட தனுஷின் நீக்!

தனுஷ் இயக்கத்தில் கடந்த மாதம் திரைக்கு வந்த நிலவுக்கு என் மேல் என்னடி கோபம் திரைப்படம் விரைவில் ஓடிடியில் ரிலீஸ் ஆக உள்ளதாம்.

Nilavuku en mel ennadi kobam OTT Release : தனுஷ் இயக்கிய நிலவுக்கு என் மேல் என்னடி கோபம் திரைப்படம் தியேட்டரில் சொதப்பிய நிலையில், அப்படம் விரைவில் ஓடிடி தளத்தில் ரிலீஸ் ஆக உள்ளது.

பா.பாண்டி, ராயன் படங்களை இயக்கிய தனுஷின் 3வது படம் தான் நிலவுக்கு என் மேல் என்னடி கோபம் (நீக்). இப்படத்தில் நடிகர் தனுஷின் அக்கா மகன் பவிஷ் நாயகனாக நடித்திருந்தார். இப்படத்தின் மூலம் ஹீரோவாகவும் அறிமுகமாகி இருந்தார் பவிஷ். இப்படத்தில் ஹீரோயினாக குட்டி நயன் அனிகா சுரேந்திரன் நடித்திருந்தார். மேலும் பிரியா வாரியர், மேத்யூ தாமஸ், சரத்குமார், சரண்யா பொன்வண்ணன் என மிகப்பெரிய நட்சத்திர பட்டாளமே இப்படத்தில் நடித்திருந்தது.

NEEK

நீக் திரைப்படத்தை தனுஷின் ஒண்டர்பார் நிறுவனம் தான் தயாரித்து இருந்தது. இப்படத்திற்கு ஜிவி பிரகாஷ் குமார் இசையமைத்து இருந்தார். அவரது இசையில் வெளிவந்த பாடல்கள் பட்டிதொட்டியெங்கும் ஹிட்டானதால் ரிலீசுக்கு முன்பே நீக் படத்தின் மீதான எதிர்பார்ப்பு ரசிகர்கள் மத்தியில் அதிகரித்து இருந்தது. இப்படம் கடந்த பிப்ரவரி மாதம் 21ந் தேதி பிரதீப் ரங்கநாதன் நடித்த டிராகன் படத்துக்கு போட்டியாக திரையரங்குகளில் ரிலீஸ் ஆனது.

இதையும் படியுங்கள்... அட்டர் பிளாப் ஆன தனுஷின் நீக்; 10 நாளில் இவ்வளவு தான் வசூல் செய்ததா?

NEEK Movie Box Office

நிலவுக்கு என் மேல் என்னடி கோபம் திரைப்படம் வழக்கமான ஒரு காதல் படமாக இருந்ததால் ரசிகர்களை பெரிதும் ஈர்க்கவில்லை. அதுமட்டுமின்றி இதற்கு போட்டியாக வெளிவந்த டிராகன் திரைப்படம் அமோக வரவேற்பை பெற்றதால் நீக் திரைப்படத்தின் வசூல் நாளுக்கு நாள் குறையத் தொடங்கியது. இப்படம் பாக்ஸ் ஆபிஸில் ரூ.10 கோடி கூட வசூலிக்கவில்லை ஆனால் இதற்கு போட்டியாக வெளிவந்த டிராகன் படம் 100 கோடி வசூலை கடந்து வெற்றிநடை போட்டு வருகிறது.

NEEK Movie OTT Release

தியேட்டரில் ரிலீஸ் ஆகி இரண்டு வாரங்களே ஆகும் நிலையில், வாஷ் அவுட் ஆகியுள்ள நீக் திரைப்படம் தற்போது ஓடிடிக்கு பார்சல் செய்து அனுப்பப்பட்டு உள்ளது. அதன்படி இப்படம் வருகிற மார்ச் 21ந் தேதி ஓடிடியில் ரிலீஸ் ஆகும் என கூறப்படுகிறது. இப்படத்தின் ஓடிடி ரிலீஸ் உரிமையை அமேசான் பிரைம் ஓடிடி தளம் வாங்கி உள்ளது. விரைவில் நிலவுக்கு என் மேல் என்னடி கோபம் திரைப்படத்தின் ஓடிடி ரிலீஸ் தேதியை படக்குழு அதிகாரப்பூர்வமாக அறிவிக்கும் என எதிர்பார்க்கப்படுகிறது.

இதையும் படியுங்கள்... அட்ராசக்க; தனுஷ் இயக்கத்தில் நடிக்கும் அஜித்? இது நம்ம லிஸ்ட்லயே இல்லையே பாஸ்!