திடீர் என காதலனை அறிமுகப்படுத்த சொன்ன பிரபலம்! காதல் ஆசையை வெளிபடையாக கூறிய குக் வித் கோமாளி சிவாங்கி!

பின்னணி பாடகி - நடிகை என திரையுலகில் கலக்கிக் கொண்டிருக்கும் சிவாங்கி, முதல்முறையாக தன்னுடைய காதல் ஆசையை லைவில் வெளிப்படுத்தியுள்ளார்.  

Sivaangi

சூப்பர் சிங்கர் ரியாலிட்டி ஷோ மூலம் பிரபலமானவர் சிவாங்கி. பிரபல பின்னணி பாடகர்களான கிருஷ்ணகுமார் - பின்னி கிருஷ்ணகுமார் தம்பதியின் மகள் என்கிற அடையாளத்துடன், சூப்பர் சிங்கர் நிகழ்ச்சியில் இவர் பங்கேற்றாலும், இவருக்கு இந்த நிகழ்ச்சி எதிர்பார்த்த அளவுக்கு வரவேற்பை பெற்று தரவில்லை.

Sivaangi

இதைத்தொடர்ந்து அதிரடியாக விஜய் டிவி தொலைக்காட்சியில் துவங்கப்பட்ட சமையல் நிகழ்ச்சியான 'குக் வித் கோமாளி' ரியாலிட்டி ஷோவில் கோமாளிக்களில் ஒருவராக கலந்து கொண்டார்.

Sivaangi

ஷிவாங்கியின் எதார்த்தமான பேச்சு மற்றும் அவர் அனைவரிடமும் பழகும் விதம், இவரை ரசிகர்கள் மனதில் நிலையான இடத்தை பிடிக்க வைத்தது. அதே போல் டான், நாய் சேகர் ரிட்டன்ஸ் போன்ற திரைப்படங்களில் நடிக்கும் வாய்ப்பையும் பெற்று தந்தது. கடந்த மூன்று சீசங்களில் கோமாளியாக இருந்த சிவாங்கி, 'குக் வித் கோமாளி' நான்காவது சீசனில் குக்காக மாறினார்.

இது ரசிகர்களையே ஆச்சர்யப்பட வைத்தாலும், ஓவ்வொரு வாரமும் தன்னுடைய சமையல் திறமையை வெளிப்படுத்தி ரசிகர்களை மட்டும் இன்றி நடுவர்களை அசர வைத்தார். அதே போல் இவரை எலிமினேஷனில் இருந்து நடுவர்கள் காப்பாற்றி வருவதாகவும் ஒரு சில வதந்திகள் சமூக வலைதளத்தில் பரவி வந்தன.

இதைத்தொடர்ந்து திடீரென சிவாங்கி இந்த நிகழ்ச்சியில் இருந்து விலகுவதாக கூறியது ரசிகர்களுக்கு அதிர்ச்சியை ஏற்படுத்தியது. தற்போது திரைப்படங்களில் நடித்து வருவதால், குக் வித் கோமாளி நிகழ்ச்சியில் இருந்து அவர் விலகியதாக கூறப்பட்டது. 

இந்நிலையில் சிவாங்கி தன்னுடைய பிறந்த நாளை முன்னிட்டு, வாழ்த்து கூறிய ரசிகர்களுக்கு நன்றி தெரிவிக்கும் விதமாக லைவில் வந்து பேசினார். அப்போது பலர், சிவாங்கி இடம் பல்வேறு கேள்விகளைக் கேட்க அதற்கு மிகவும் கூலாக பதிலளித்தார்.

திடீரென லைவில் வந்த, கனா பட நடிகர் தர்ஷன்..  இந்த பிறந்த நாளில் நீ உன்னுடைய காதலனை சந்திக்க என்னுடைய வாழ்த்துக்கள் என கூறினார். அதேபோல் நீ யாரை காதலிக்கிறாய் என்பதை சொல்லு என தர்ஷன் கேட்க, இப்போதைக்கு நான் யாரை சொல்வது? என சில நிமிடம் யோசித்து விட்டு... நான் இன்னும் அந்த நபரை பார்க்கவில்லை. இந்த வருடமாவது பார்த்து விட வேண்டும் என தன்னுடைய காதல் ஆசையை வெளிப்படுத்தி உள்ளார். அதேபோல் தன்னுடைய காதலனை தேடிக் கொண்டிருப்பதாகவும் சிவாங்கி தெரிவித்துள்ளார். யார் அந்த அதிர்ஷ்டசாலி என்பதை பொறுத்திருந்து பார்ப்போம்.