சந்திரமுகி 2 படத்தின் ஷூட்டிங் ஸ்பாட் புகைப்படங்கள் தற்போது வெளியாகி ரசிகர்கள் மத்தியில் படத்தின் மீதான எதிர்பார்ப்பை அதிகரிக்க செய்துள்ளது.
இயக்குனர் பி.வாசு இயக்கத்தில், கடந்த 2005 ஆம் ஆண்டு சூப்பர் ஸ்டார் ரஜினிகாந்த், நயன்தாரா, ஜோதிகா, பிரபு, கே.ஆர்.விஜயா, வடிவேலு, நாசர், வினீத், மாளவிகா உள்ளிட்ட பல நட்சத்திரங்கள் நடிப்பில் வெளியாகி 100 நாட்களுக்கு மேல் திரையரங்கில் ஓடி வசூல் சாதனை செய்த திரைப்படம் சந்திரமுகி.
இந்தப் படத்தின் முதல் பாகம் வெற்றி பெற்றதைத் தொடர்ந்து, இப்படத்தின் இரண்டாம் பாகம் தற்போது பிரம்மாண்டமாக தயாராகி வருகிறது. தமிழில் முதல் பாகத்தை இயக்கிய இயக்குனர் பி.வாசு தான் இரண்டாவது பாகத்தையும் தற்போது இயக்கி வருகிறார்.
இரண்டு தோல்வி படங்களுக்கு பின்... மீண்டும் முன்னணி ஹீரோ படத்தில் நடிக்கும் பூஜா ஹெக்டே..!
இந்த படத்தில், மீண்டும் ரஜினிகாந்தை நடிக்க வைக்க பி.வாசு முடிவு செய்த நிலையில், ரஜினிகாந்த் ஒரு சில காரணங்களால் இப்படத்தில் நடிக்க முடியாது என கூறவே, இந்த வாய்ப்பு நடிகர் ராகவா லாரன்ஸ் சென்றது. இப்படத்தில் ராகவா லாரன்ஸ் நடிப்பது உறுதியாகி 2 வருடங்களுக்கு மேல் ஆன நிலையில், தற்போது இப்படத்தின் படப்பிடிப்பு, விறுவிறுப்பாக நடந்து வருகிறது.
முதல் பாகத்தில் காமெடியில் கலக்கிய வைகை புயல் வடிவேலு, இரண்டாவது பாகத்திலும் நடிக்கிறார். சந்திரமுகி கதாபாத்திரத்தில் நடிகை கங்கனா ரனாவத் நடிக்கிறார். மேலும் ராதிகா, மகிமா நம்பியார், சிருஷ்டி டாங்கே, லட்சுமி மேனன், ரவிமரியா, உள்ளிட்ட மிகப்பெரிய நட்சத்திர பட்டாளமே இப்படத்தில் இணைந்துள்ளனர்.
ரசிகர்களின் எதிர்பார்ப்பு மத்தியில், லைகா நிறுவனம் மிகப்பெரிய தொகையில் தயாரிக்கும் இந்த படத்தின் BTS புகைப்படங்கள் தற்போது வெளியாகி உள்ளது. குறிப்பாக நடிகர் வடிவேலு ராகவா லாரன்சுடன் ரொமான்ஸ் செய்வது போன்ற ஒரு புகைப்படம் இடம்பெற்றுள்ளது. இது இந்த படத்தில் வடிவேலுவின் காமெடியை பார்க்கும் ஆர்வத்தை தூண்டும் விதத்தில் உள்ளது.
அதே போல் ராதிகாவுடன் ராகவா லாரன்ஸ் எடுத்து கொண்ட புகைப்படமும், ஒட்டு மொத்த படக்குழுவினரும் இணைந்து எடுத்து கொண்ட புகைப்படங்களும் இடம்பெற்றுள்ளது. இந்த ஷூட்டிங் ஸ்பாட் போட்டோஸ் சமூக வளைத்ததில் ரசிகர்களால் அதிகம் பார்க்கப்பட்டு வருகிறது.
நடிகை ரீமாசென்னுக்கு இவ்வளவு பெரிய மகனா? 10 ஆவது பிறந்தநாளில் கியூட் புகைப்படத்தை பகிர்ந்த நடிகை!
சேனலை கிளிக் செய்து பின்தொடரவும்