எதிர்பார்த்த வெற்றி கிடைக்காமல் தமிழ் சினிமாவே துவண்டு கிடந்த சமயத்தில் கடந்த ஜூன் மாதம், கோலிவுட்டுக்கே புத்துயிர் கொடுக்கும் வகையில் ரிலீசான படம் தான் விக்ரம். கமலின் தரமான கம்பேக் படமாக இது அமைந்திருந்தது. இப்படத்தை தனது சொந்த தயாரிப்பு நிறுவனமான ராஜ்கமல் பிலிம்ஸ் நிறுவனம் மூலம் தான் தயாரித்து இருந்தார்.
விக்ரம் திரைப்படம் தற்போது வெற்றிகரமாக 100 நாட்களைக் கடந்து திரையரங்குகளில் ஓடி வருகிறது. தற்போதைய காலகட்டத்தில் ஒரு திரைப்படம் 25 நாட்கள் ஓடினாலே ஆச்சர்யம் தான். அப்படி இருக்கையில் 100 நாட்கள் ஓடி மகத்தான சாதனை படைத்துள்ளது விக்ரம். இப்படத்தின் 100வது நாள் விழா கோவையில் நேற்று கொண்டாடப்பட்டது.